உங்கள் குழ்ந்தைகள்.. எதிர்காலத்திற்கு முக்கியமான விஷயங்களை..இப்பவே கவனிங்க!

சமீப காலமாகவே விலை வாசி உயர்வால் மக்கள் திண்டாடி வருகின்றனர். இதற்கிடையில் பள்ளிகளில் கட்டண உயர்வுகள், பெட்ரோல், டீசல் விலை உயர்வால் பள்ளி வாகனக் கட்டணங்களின் விலையும் கிடுகிடுவென உயர்ந்துள்ளது.

இதில் பெற்றோர்கள் கடந்த சில மாதங்களாகவே பள்ளிக் கட்டணம், வாகனக் கட்டணம் மற்றும் பல செலவுகளில் சிக்கி தவிக்கின்றனர். இதில் அவர்களின் குழந்தைகளின் எதிர்காலத்திற்குத் தேவையான பட்ட படிப்புகள் மற்றும் மேற்படிப்புகளுக்கு ஆகும் செலவை நினைத்தாலே தலை சுற்ற வைக்கும்.

அதனால் பெற்றோர்கள் அதிகப்படியான அதே சமயம் பாதுகாப்பான சேமிப்புத் திட்டங்களில் நீண்ட காலத்திற்கு முதலீடு செய்வது அவசியமாகிறது.

தற்சமயம் மியூச்சுவல் ஃபண்ட் திட்டங்களில் சில ஃபண்டுகள் நல்ல லாபத்தை அளித்து வருகின்றன. அதிலும் பராக் பரிக் கன்சர்வேட்டிவ் ஹைப்ரிட் ஃபண்ட் கடந்த ஓராண்டில் 7.47% மேல் லாபத்தை அளித்துள்ளது.

பராக் பரிக் கன்சர்வேட்டிவ் ஹைப்ரிட் ஃபண்ட்!

இந்த ஃபண்டானது பராக் பரிக் மியூச்சுவல் ஃபண்ட் நிறுவனத்தால் 2021 ஆம் ஆண்டு தொடங்கப்பட்டது. ஆரம்பிக்கப்பட்ட ஓராண்டில் 7% மேல் லாபத்தையும் அதன் முதலீட்டாளர்களுக்கு அளித்துள்ளது.

இந்த ஃபண்டிற்கான குறைந்தபட்ச SIP முதலீட்டுத் தொகை ரூ.1000 ஆகும். நீங்கள் மாதம் ரூ.1000 என்ற முறையில் 3 முதல் 5 ஆண்டுகளுக்குத் தொடர்ந்து முதலீடு செய்து வந்தால் 5 வருடங்களின் இறுதியில் ரூ.65,000 (சராசரி ஆண்டு லாபம் 7.47% எனக் கணக்கிட்டால்) வரை லாபம் பெறலாம்.

நீங்கள் அதிகப்படியான லாபம் பெற நினைத்தால் உங்கள் முதலீட்டுத் தொகையை ரூ.5000 ஆக உயர்த்தலாம். அதனால் உங்களுடைய கார்பஸும் உயரும். உங்கள் குழந்தையின் மேற்படிப்பு செலவுகளுக்கும் அவை உதவியாக இருக்கும்.

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.