இப்பல்லாம் வெள்ளிநகை வாங்குறதுகூட கஷ்டமா இருக்கா.. அதனால் இந்த திட்டங்களில் முதலீடு செய்யுங்க!!

தற்போதுள்ள சூழலில் தங்கம் வாங்குவது சற்று கடினமான ஒன்றாக உள்ளது. அதனால் அதே சமயம் சில்வர் நகைகள் மீதும் மக்களின் கவனம் திரும்பியுள்ளது.

தங்கத்தைப் போலவே வெள்ளியிலும் மக்கள் முதலீடு செய்ய ஆர்வம் காட்டி வருகின்றனர். வெள்ளியை ஆன்லைன் வழியாகவும், கட்டிகளாகவும் வாங்க மக்கள் ஆர்வம் காட்டி வருகின்றனர். வெள்ளியில் முதலீடு செய்வது அதிக ஆபத்துள்ள உள்ளதால் அது தொடர்பான முதலீடுகளில் அனுபவமிக்க முதலீட்டாளர்களுக்கு ஏற்றதாக ஆலோசகர்கள் கூறுகின்றனர்.

மேலும் சில்வர் ஈடிஎஃப் ஃபண்டில் முதலீடு செய்ய ஆர்வமுள்ளவர்கள் குறுகிய கால ஏற்ற இறக்கங்களை எதிர்கொள்ள தயாராக இருக்க வேண்டும் மற்றும் அதுபோன்ற நேரங்களில் பொறுமையுடனும் இருக்க வேண்டும் என நிதி நிபுணர்கள் கூறுகின்றனர்.

இதில் கடந்த சில மாதங்களுக்குமுன் வெளியாகி நல்ல லாபம் தந்த சிலவர் ETF Fund மற்றும் Silver ETf Fund of Fund திட்டங்கள் குறித்து காணலாம்.

ஆக்சிஸ் சில்வர் இடிஎஃப் யூனிட்களில் முதலீடு செய்யும் ஃபண்ட் திட்டத்தின் திறந்தநிலை நிதியான ஆக்சிஸ் சில்வர் ஃபண்ட் ஆஃப் ஃபண்ட் (Silver Fund of Fund) திட்டமாகும்.இதற்கான குறைந்தபட்ச விண்ணப்பத் தொகை ரூ. 500 ஆகும். 5 வருடங்கள் முதலீடு செய்து வந்தால் நல்ல விலைக்கு சில்வர் நகைகள் வாங்க முடியும்.

அதேபோல இன்று வெள்ளியின் விலையும் படிப்படியாக ஏறி வரும் நிலையில் அவற்றை நேரடியாக வாங்க முடியவில்லை என்றாலும் சில்வர் ஈடிஎஃப் ஃபண்டுகளில் மாதந்தோரும் ரூ.1000 வரை முதலீடு செய்து அடுத்து 5 வருடங்களுக்குத் தொடர்ந்து சேமித்து வந்தால் நல்ல லாபத்தைக் காணலாம்.

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.