போட்டி போட்டு விலையேறும் தங்கம், வெள்ளி.. இதில் எது பெஸ்ட் இன்வெண்ட்மெண்ட்?

தற்போதுள்ள பொருளாதார நெருக்கடி மற்றும் நிச்சயமற்ற காலங்களில், தங்கத்தில் முதலீடு செய்வது ஒரு நல்ல ஆஃப்சனாக கருதப்படுகிறது. இருப்பினும் மியூச்சுவல் ஃபண்ட் முதலீட்டாளர்களின் கவனத்தை ஈர்க்கும் தங்கத்திற்கான ஒரு சிறந்த முதலீட்டு தீம் உள்ளது.

அதேபோல கடந்த சில ஆண்டுகளில் யாரும் எதிர்பார்க்காத விதத்தில் தங்க நகைகளின் விலை உச்சத்தை அடைந்துள்ளது. அதிலும் குறிப்பாகக் கடந்த ஒரே ஆண்டில் தங்கத்தின் விலை சாமானிய மக்களால் வாங்க முடியாத அளவிற்கு அதன் விலை எகிறிக் கொண்டே செல்கிறது.

நடுத்தர மக்கள் மொத்தமாக அவ்வளவு பணத்தைப் புரட்டி தங்கள் மகளின் திருமணத்திற்கு நகை சேர்ப்பது என்பது இன்றுள்ள காலத்தில் இயலாத ஒன்றாக உள்ளது.

அப்படியிருக்க குறைந்த முதலீட்டில் அவர்களுக்கென மியூச்சுவல் ஃபண்ட் நிறுவனங்கள் கோல்ட் ஃபண்டுகளை அறிமுகப்படுத்தியுள்ளது. அதுவும் ரூ.500 முதல் அத்திட்டங்களில் நீங்கள் முதலீடு செய்யலாம்.

கடந்த ஒரு மாதத்தில் மட்டும் புதிதாக அறிமுகப்படுத்தப்பட்ட சில்வர் இடிஎஃப் (Silver ETF) வகை கோல்ட் ஈடிஎஃப் (Gold ETF) வகை முதலீடுகளையும் விஞ்சியுள்ளது. கடந்த ஒரு மாதத்தில் மட்டும் வெள்ளி ஈடிஎஃப் ஃபண்டுகள் சராசரியாக 8% வருமானத்தை அளித்துள்ளன.

இந்த சமயத்தில் முதலீட்டு போர்ட்ஃபோலியோக்களில் டைவர்சிஃபையர்களாக சில்வர் ஈடிஎஃப்கள் மற்றும் எஃப்ஓஎஃப்களை (Fund of funds) கோல்ட் ஈடிஎஃப்களாக மாற்ற முடியுமா? அதைப்பற்றிக் காண்போம்.

கோல்ட் ஈடிஎஃப் - சில்வர் ஈடிஎஃப் ஃபண்ட் எது பெஸ்ட்?

தற்போதுள்ள் வெள்ளியில் முதலீடு செய்யும் ETFகள் மற்றும் FOFகள் உட்பட எட்டு திட்டங்கள் மியூச்சுவல் ஃபண்டுகளில் உள்ளன. 2021 ஆம் ஆண்டின் பிற்பகுதியில் செபி ஒப்புதல் அளித்த பிறகு தொடங்கப்பட்ட இந்தத் திட்டங்கள் அனைத்தும் மிகவும் புதியவை.
மற்ற பொருட்களைப் போலவே வெள்ளியும் பயனளிக்கும். அதே நேரத்தில், வெள்ளி ஒரு தசாப்த கால ஒருங்கிணைப்பு கட்டத்திலிருந்து வருகிறது என்பதை நினைவில் கொள்ள வேண்டும்.

இந்த பணவீக்கம் தொடர்ந்து நிலைத்திருந்தால், பணவீக்கத்திற்கு எதிரான பாதுகாப்பில் வெள்ளி மற்றும் தங்கம் இரண்டும் தொடர்ந்து சிறப்பாகச் செயல்படக்கூடும் என்று ஐசிஐசிஐ புருடென்ஷியல் மியூச்சுவல் ஃபண்டின் தயாரிப்பு மற்றும் உத்தியின் தலைமை அதிகாரி சிந்தன் ஹரியா கூறுகிறார்.
இருப்பினும் மியூச்சுவல் ஃபண்ட் ஆலோசகர்கள் வெள்ளிகள் மீது மியூச்சுவல் ஃபண்ட் முதலீட்டாளர்களுக்கு ஒரு நல்ல ரிட்டனை நிலையாகத் தருவது நிரூபிக்கவில்லை என்று நம்புகிறார்கள்.

அதனால் வெள்ளியில் முதலீடுகள் ETFகள் மற்றும் FOFகள் மூலம் மட்டுமே செய்யப்படுவதால் அவை கோல்ட் ஃபண்டுகள் போலன்றி இருக்காது எனவும் முதலீட்டாளர்கள் எச்சரிக்கையுடன் நடக்குமாறும் ஆலோசகர்கள் கேட்டுக்கொள்கிறார்கள்.

ஈடிஎஃப் மியூச்சுவல் ஃபண்டுகளில் முதலீடு செய்வது அதிக விழிப்புணர்வு மற்றும் வளர்ந்த முதலீட்டாளர்களுக்கானது எனவும் மியூச்சுவல் ஃபண்ட் ஆலோசகர்கள் அறிவுறுத்துகின்றனர்.

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.