எகிறும் தங்கம் விலை.. தங்கத்தில் முதலீடு செய்ய இது சரியான நேரமா?

நடப்பு நிதியாண்டில் கிரிப்டோகரன்சி, பங்கு வர்த்தகம் சரிவுடன் காணப்படுவதால் மக்கள் தங்கத்தின் பக்கம் தங்களின் கவனத்தை திருப்பியுள்ளனர்.

கடந்த 2008 ஆம் ஆண்டில் அனைத்து பங்குச் சந்தையும் மொத்தமாக வீழ்ச்சியடைந்த போது தங்கம் பொருளாதார நெருக்கடியை சமாளிக்க உதவியாக இருந்தது குறிப்பிடத்தக்கது.

ஆனால் கடந்த இரண்டு வருடங்களாகவே தங்கம் மீதான முதலீடுகள் பல்வேறு முதலீட்டு திட்டங்களின் மூலம் சரிவை சந்தித்தது. கோவிட் தொற்றுகள், வேலை வாய்ப்பின்மை மற்றும் கிரிப்டோகரன்சி வருகை மற்றும் தங்கத்தின் விலை உயர்வும் அதற்கான வளர்ச்சியை தடுக்க முக்கிய காரணங்களாக இருந்தன.

இந்நிலையில் கடந்த ஒரு வார காலமாக தங்கத்தின் விலை கணிசமாக உயர்ந்து வருகிறது. அதனால் தங்கத்தின் மீதான முதலீடுகள் மீண்டும் தர வரிசைப்பட்டியலில் முதலிடம் பெறுகின்றன.

அதுமட்டுமின்றி இந்தியர்களின் முதன்மையான முதலீடுகளில் தங்கம் முதலிடத்தில் இருப்பதும் அனைவரும் அறிந்ததே. அதனால் மியூச்சுவல் ஃப்ண்ட் நிறுவனங்களின் கவனம் தற்சமயம் தங்கத்திற்கான ஃபண்ட்களை அறிமுகப்படுத்துவதில் தங்களை தயார் படுத்தி வருகின்றனர்.

தங்கம் மட்டுமின்றி சில்வர் உலோகமும் சமீபகாலமாக நல்ல இலாபத்தைக் கொடுத்து வருகிறது. ஐசிஐசிஐ ப்ரொண்ஷியல் சில்வர் ஈடிஎஃப் ஃபண்ட் கடந்த மாதம் ஜனவரியில் வெளியிடப்பட்டு தற்போது அதன் AUM ரூ. 106.3 கோடியாக உயர்ந்துள்ளது.

அதே போல தங்க உலோகத்திற்கான மியூச்சுவல் ஃபண்டுகளும் அதிக இலாபத்தை ஈட்டியுள்ளன. அதன் படி முதம்மையான மியூச்சுவல் ஃபண்ட் நிறுவனங்களான பிர்லா சன் லைஃப் கோல்ட் ஈடிஎஃப் , ஐசிஐசியை ப்ரொண்ஷியல் கோல்ட் ஈடிஎஃப் என் அதன் AUM மதிப்புகளும் 5 முதல் 10% வரை தற்சமயம் இலாபம் ஈட்டி வருகின்றன.

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.