முதலீடு செய்ய ஒரு நல்ல வாய்ப்பு.. பணத்தை சேமிக்க நீங்க ரெடியா மக்களே!!

தற்போதுள்ள தொற்றுநோய், போர், உலகளாவிய விநியோகச் சங்கிலி சீர்குலைவுகள் போன்றவற்றால் சேமிப்பு என்பது அனைவரின் வாழ்விலும் முக்கியமான ஒன்றாக உள்ளது.

எதுவும் உறுதி இல்லாத இவ்வுலகில், உங்கள் செல்வத்தைப் பாதுகாக்கும் அதே வேளையில் நிலையான வருமானத்திற்கு உத்தரவாதம் அளிக்கும் முதலீட்டுத் திட்டங்களைப் பற்றித் தெரிந்து வைத்துக் கொள்வது ஒரு புத்திசாலித்தனமான தேர்வாகும்.

அதிலும் குறைந்த முதலீட்டில் வருங்காலத்திற்காகச் சேமிக்க ஒரு சிறந்த இடமாக மியூச்சுவல் ஃபண்ட் திட்டங்கள் உள்ளன. அதிலும் டெட் ஃபண்டுகள் நிலையான வருமானத்தை அளிக்கவில்லை என்றாலும் உடனடி தேவைகளுக்கு சேமிக்க உதவும் திட்டங்களாக இருக்கும்.

அவ்வகையில் மாதம் ரூ.5,000 முதலீட்டில் 10 லட்சம் வரை சேமிக்க உதவும் புதிய திட்டம் ஒன்றை ITI Mutual Fund நிறுவனம் இன்று வெளியிட்டுள்ளது. அதன்படி ஃப்ளெக்ஸி கேப் வகையில் ITI Mutual Fund நிறுவனம் ITI Flexi Cap Fund எனும் புதிய ஃபண்டை இன்று அறிமுகம் செய்துள்ளது.

இந்த ஃபண்ட் சந்தா செலுத்துக்கைகளுக்காக இன்று திறக்கப்பட்டுள்ளது. இதன் குறைந்தபட்ச முதலீட்டுத் தொகை ரூ.5000 ஆகும். மேலும் பிப்ரவரி 10,2023 சந்தா செலுத்துகைகளுக்கான கடைசி நாளாகும். ஐடிஐ ஃப்ளெக்ஸி கேப் ஃபண்ட் நிஃப்டி 500 மொத்த வருவாய் குறியீட்டுக்கு எதிராக தரப்படுத்தப்படும்.

ஃப்ளக்ஸி கேப் ஃபண்ட் என்பது லார்ஜ்-கேப், மிட்கேப் மற்றும் ஸ்மால்-கேப் பங்குகளில் முதலீடு செய்யும் ஃபண்ட் திட்டமாகும். அதன்படி இந்த ஃபண்டானது 66.44% முதலீட்டுத் தொகையை மேற்சொன்ன பங்குகளில் முதலீடு செய்கிறது. குறிப்பாக லார்ஜ்-கேப் பங்குகளில் 44.3% தொகையை முதலீடு செய்கிறது. மீதமுள்ள தொகையை நிதி நிறுவனங்கள், சேவைத்துறைகள், தொழில்நுட்பத்துறை மற்றும் ஆட்டோ மொபைல் துறைகளின் பங்குகளில் முதலீடு செய்கிறது.

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.