ரூ. 1000 கோடி வசூல்.. எல்ஐசி மியூச்சுவல் ஃபண்டின் மாஸ்டர் பிளான்!

எல்ஐசி மியூச்சுவல் ஃபண்டால் ஆகஸ்ட் 10 அன்று தொடங்கப்பட்ட புதிய மணி மார்க்கெட் ஃபண்டில் (money market fund) ரூ.1000 கோடி வரை முதலீடுகளைப் பெறுவதை இலக்காகக் கொண்டுள்ளது.

இந்தப் புதிய நிதியானது, பணச் சந்தை கருவிகளில் முதலீடு செய்வதற்கு உதவும் ஒரு திறந்தநிலை கடன் திட்டமாகும் என்று எல்ஐசி ஃபண்ட் ஹவுஸ் வெளியிட்டுள்ள ஒரு அறிக்கையில் தெரிவித்துள்ளது.

இந்த ஃபண்டானது கார்ப்பரேட் முதலீட்டாளர்களை இலக்காகக் கொண்ட இந்த ஃபண்ட் வகையாகும். இந்த ஃபண்ட் சந்தா செலுத்துகைகளுக்காக ஆகஸ்ட் 10 முதல் 13 வரை திறந்திருக்கும் என்று மூத்த நிதி மேலாளர் மற்றும் எல்ஐசி மியூச்சுவல் ஃபண்டின் துணைத் தலைவர் ராகுல் சிங் கூறியுள்ளார்.

இந்த ஃபண்டிற்கான குறைந்தபட்ச முதலீட்டுத்தொகை ரூ.500 ஆகும். மேலும் இந்நிறுவனம் இந்த நிதியாண்டில் ரூ.500 கோடி மதிப்பிலான மல்டி கேப் ஈக்விட்டி ஃபண்ட் உட்படப் பல புதிய திட்டங்களை விரைவில் அறிமுகப்படுத்தவுள்ளது.

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.