உங்க கையில பணம் சும்மா இருக்கா.. அதுக்கு இதுல போட்டு வச்ச.. நல்ல லாபம் பார்க்கலாம்!

பொதுவாக முதலீடு செய்பவர்களின் மனநிலையானது குறைந்த முதலீட்டில் அதிக லாபம் பெறுவது பற்றியே இருக்கும். முதலில் நீங்கள் உணர வேண்டியது ஒன்றுதான். குறைந்த முதலீட்டில் நீங்கள் எதிர்பார்த்த தொகை கிடைக்கவில்லை என்றாலும் உங்கள் முதலீடுகள் வீணாகப் போவதில்லை.

நீங்கள் எதிர்பார்த்ததைவிட 90% தொகை உங்களுக்குக் கிடைக்கலாம் அல்லது நீங்கள் எதிர்பார்த்ததைவிட அதிகமாகக் கூட கிடைக்கலாம். அது பங்குச் சந்தையில் மட்டும் சாத்தியமில்லை சில மியூச்சுவல் ஃபண்டுகளும் உங்களை லட்சாதிபதியாக்கும்.

நீங்கள் மியூச்சுவல் ஃபண்டைப் பற்றி நன்கு அறிந்தவர் என்றால் ரூ.1000 முதலீட்டில் ஒரு லட்சம் சம்பாதிக்க வேண்டும் என எதிர்பார்த்தால் இக்கட்டுரையில் இடம்பெறும் மியூச்சுவ ஃபண்டுகள் உங்களுக்கு ஒரு நல்ல தேர்வாக இருக்கும்.

மிரே அசெட் மியூச்சுவல் ஃபண்ட் மிரே அசெட் ஃப்ளெக்ஸி கேப் ஃபண்டை அறிமுகப்படுத்தியுள்ளது. இந்த NFO பிப்ரவரி 3 அன்று சந்தாவிற்குத் திறக்கப்பட்டு பிப்ரவரி 17 அன்று முடிவடைகிறது. இந்த நிதியை Vrijesh Kasera நிர்வகிப்பார்.

மேலும் இந்த ஃபண்டிற்கான குறைந்தபட்ச ஆரம்ப முதலீடுத் தொகை ரூ. 5,000 ஆகும். Mirae Asset Flexi Cap Fund NIFTY50 TRIக்கு எதிராக தரப்படுத்தப்படும் என நிறுவனம் தரப்பில் கூறப்பட்டுள்ளது.

ஃப்ளக்ஸி கேப் ஃபண்ட் என்பது லார்ஜ்-கேப், மிட்கேப் மற்றும் ஸ்மால்-கேப் பங்குகளில் முதலீடு செய்யும் ஃபண்ட் திட்டமாகும். அதன்படி இந்த ஃபண்டானது 66.44% முதலீட்டுத் தொகையை மேற்சொன்ன பங்குகளில் முதலீடு செய்கிறது. குறிப்பாக லார்ஜ்-கேப் பங்குகளில் 44.3% தொகையை முதலீடு செய்கிறது. மீதமுள்ள தொகையை நிதி நிறுவனங்கள், சேவைத்துறைகள், தொழில்நுட்பத்துறை மற்றும் ஆட்டோ மொபைல் துறைகளின் பங்குகளில் முதலீடு செய்கிறது.

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.