30% லாபம் தந்த HDFC சேமிப்புத் திட்டங்கள்.. முதலீடோ வெறும் 100 ரூபாய்தான்!

ரிசர்வ் வங்கி வட்டி விகிதங்களை உயர்த்தியதை தொடர்ந்து டெட் ஃபண்டுகளில் (debt funds) வட்டி விகிதங்கள் உயர்ந்ததால் அதில் முதலீடு செய்வோரின் எண்ணிக்கை குறைந்துள்ளது என நிதி மேலாளர்கள் கூறுகின்றனர். மேலும் பங்குச் சந்தையில் சமீபத்திய ஏற்பட்ட ஏற்ற இறக்கத்தின் காரணமாக பெரும்பாலான முதலீட்டாளர்கள் Large Cap திட்டங்களைக் கைவிட்டுள்ளனர்.

கடந்த ஒரு வருடத்தில் Large Cap ஃபண்டுகள் 31% லாபத்தை அளித்துள்ளது. மேலும் ஸ்மால் கேப் திட்டங்கள் கடுமையான சந்தை நிலைகளில் வர்த்தகம் செய்யக்கூடும் என்பதை இந்த தரவானது தெளிவாகக் காட்டுகிறது. இருப்பினும், Large Cap வகையானது கடந்த மூன்று ஆண்டில் நல்ல லாபத்தை பதிவு செய்துள்ளன.

Nippon India Large Cap Fund

நீங்கள் இந்த ஃபண்டில் 3 ஆண்டுகளுக்குமுன் மாதம் ரூ.10,000 என SIP முறையில் முதலீடு செய்திருந்தால் இன்று அது ரூ.3.6 லட்சமாக மாறியிருக்கும். அதாவது 3 ஆண்டில் 26.62% உயர்ந்திருக்கும்.

இந்த ஃபண்டிற்கான குறைந்தபட்ச முதலீட்டுத் தொகை ரூ.100 தான். அதே Lumpsum முறையில் முதலீடு செய்ய நினைத்தால் ரூ.1000 முதல் முதலீட்டைத் தொடங்கலாம்.

HDFC Top 100 Fund

ஹெச்டிஎஃப்சி டாப் 100 திட்டத்தில் நீங்கள், மூன்று ஆண்டுகளுக்கு முன்பு மாதம் ரூ.10,000 என SIP முறையில் முதலீடு செய்திருந்தால் இன்று அது ரூ.4.74 லட்சமாக மாறியிருக்கும். அதாவது மூன்று ஆண்டில் 31.8% லாபம் கிடைத்திருக்கும். இந்த ஃபண்டிற்கான குறைந்தபட்ச முதலீட்டுத் தொகை ரூ.100 ஆகும்.

இந்த ஃபண்ட் கடந்த 3 ஆண்டுகளில் 29.57% லாபமும், 5 ஆண்டுகளில் 12.08% லாபமும், 10 ஆண்டுகளில் சராசரி வருவாயாக 14.05% லாபத்தையும் அதன் முதலீட்டாளர்களுக்கு அளித்துள்ளது.

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.