ஒரே ஆண்டில் 20% மேல் லாபம்.. பணவீக்கத்திலும் கெத்து காட்டிய சேமிப்புத் திட்டங்கள்!!

மியூச்சுவல் ஃபண்டில் ஸ்மால் கேப், லார்ஜ் கேப், மிட்கேப், டெட் ஃபண்ட் இன்னும் பல வகைகள் உள்ளன. அதில் பலருக்கும் பரிச்சயம் இல்லாத சில ஃபண்டு வகைகளும் உண்டு. இன்று நாம் அவற்றில் கன்சம்ஷன் ஃபண்ட் வகையைப் பற்றியும், அதன் சாதக பாதகங்களைப் பற்றியும் இதில் காணலாம்.

கன்சம்ஷன் ஃபண்ட் என்றால் என்ன (consumption funds):

இந்த வகைப் ஃபண்டுகள் பெயருக்கேற்றவாறு நுகர்வு சார்ந்த துறைகளில் முதலீடு செய்கின்றன. நுகர்வு சார்ந்த சில துறைகளான ஆட்டோமொபைல்ஸ், எஃப்எம்சிஜி (வேகமாக நகரும் நுகர்வோர் பொருட்கள்), நுகர்வோர் நீடித்த பொருட்கள், டெலிகாம், நிதி சேவைகள் போன்றவற்றில் 60% முதல் 70% வரை முதலீடு செய்கின்றன.

நுகர்வு மீது முதலீடு செய்யும் இந்நிதியானது கடந்த மூன்று மாதங்களில் 16.68%, ஒரு வருடத்தில் 16.93% மற்றும் மூன்று ஆண்டுகளில் 21.32% வருமானத்தையும் வழங்கியுள்ளன.

குறைந்து வரும் நுகர்வுப் பொருட்களின் விலைகள் மற்றும் எண்ணெய் விலைகள் குறைந்து வருவதால், இவ்வகை ஃபண்டுகள் எதிர்காலத்தில் இன்னும் அதிகமாக லாபத்தைத் தரும் என நிதி வல்லுநர்கள் கூறுகின்றனர்.

ஜூலை மாதத்தில் காய்கறிகள், பால் மற்றும் எரிபொருள் விலை குறைந்ததால் இந்தியாவின் மொத்த விலை பணவீக்கம் 13.93% ஆக குறைந்துள்ளது. மொத்த விலைக் குறியீட்டு அடிப்படையிலான (WPI) பணவீக்கம் ஜூலை மாதத்தில் 15.18% ஆகவும், மே மாதத்தில் அதிகபட்சமாக 16.63% ஆகவும் இருந்தது. இவை அனைத்தும் இந்த ஃபண்டின் வளர்ச்சிக்குச் சாதகமாகக் கருதப்படுகின்றன.

2022 இல் 20% மேல் லாபம் தந்த கன்சம்ஷன் ஃபண்டுகளின் பட்டியல்:

எஸ்பிஐ கன்சம்ஷன் ஆப்பர்ச்சுனிட்டி ஃபண்ட் (SBI Consumption Opportunities Fund)

ஐசிஐசிஐ பாரத் கன்சம்ஷன் ஃபண்ட் (ICICI Bharat Consumption Fund)

நிப்பான் இந்தியா கன்சம்ஷன் ஃபண்ட் (Nippon India Consumption Fund)

நிப்பான் இந்தியா ஈடிஎஃப் நிஃப்டி இந்தியா கன்சம்ஷன் ஃபண்ட் (Nippon India ETF Nifty India Consumption)

மிரே அசெட் கிரேட் கன்ஸ்யூமர் ஃபண்ட் (Mirae Asset Great Consumer Fund)

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.