மல்டி அசெட் ஃபண்ட் பத்தி கேள்விபட்டதுண்டா? அதுல இவ்ளோ விஷயம் இருக்கா!!

மல்டி அசெட் ஃபண்டுகள் (Multi asset funds) அல்லது சொத்து ஒதுக்கீடு நிதிகள் (allocation funds) என்பது இந்திய மியூச்சுவல் ஃபண்ட் திட்டங்களின் ஒரு புதிய வகையாகும். அதாவது டெப்ட் ஃபண்டுகள், கோல்ட் ஈடிஎஃப் ஃபண்டுகள், ஈக்விட்டி ஃபண்டுகளின் கலவையைத்தான் மல்டி அசெட் ஃபண்டுகள் என்று அழைக்கப்படுகின்றன. ஆனால் பல நிதி மேலாளர்கள் மற்றும் ஆலோசகர்கள் அவற்றை அசெட் அலக்கேஷன் ஃபண்டுகள் (asset allocation funds) என்றும் அழைக்கின்றனர்.

மல்டி அசெட் ஃபண்டுகள் வெவ்வேறு சொத்து வகுப்புகளில் முதலீடு செய்கின்றன. இந்தத் திட்டங்கள் பொதுவாக பங்கு, கடன் மற்றும் தங்கம் மற்றும் ரியல் எஸ்டேட் போன்ற பொதுவான அசெட் பிரிவுகளில் முதலீடு செய்யப்படும் ஒரு ஃபண்டாகும்.

சமீபத்தில் மியூச்சுவல் ஃபண்ட் நிறுவனங்கள் அவர்களின் போர்ட்ஃபோலியோவில் சர்வதேச ஈக்விட்டி போன்ற பிற சொத்து வகுப்புகளைச் சேர்க்கத் தொடங்கியுள்ளன. இத்திட்டங்கள் பல்வேறு அசெட் பிரிவுகளின் கீழ் முதலீடு செய்யப்படுவதால் உங்கள் முதலீடுகள் மீதும் அதிக வருமானம் பெற வாய்ப்பளிக்கின்றன.

இத்திட்டத்தில் முதலீடு செய்தால் குறைந்தபட்சம் 10% வருமானம் உறுதி எனக் மியூச்சுவல் ஃபண்ட் நிறுவனங்கள் கூறுகின்றன. இத்திட்டம் பன்முகப்படுத்தப்பட்ட போர்ட்ஃபோலியோவை வெளிப்படுத்துவதன் முதலீட்டாளர்களுக்கு ஒரு பலனை வழங்குகிறது.

குறுகிய கால முதலீடுகளுக்கு இந்தத் திட்டங்களைப் பயன்படுத்த வேண்டாம். இதை ஒரு ஈக்விட்டி திட்டமாக கருதி, குறைந்தபட்சம் ஐந்து முதல் ஏழு ஆண்டுகள் வரையிலான நீண்ட முதலீட்டு கொள்கையுடன் முதலீடு செய்யுங்கள்.

அதனால் தற்போதுள்ள சூழலில் வருங்காலங்களில் தங்கம் மற்றும் டெப்ட் ஃபண்டுகளின் வருமானம் அதிகரிக்கவும் வாய்ப்புள்ளதால் இந்த மல்டி அசெட் ஃபண்ட் திட்டங்கள் ஒரு நல்ல தேர்வாக இருக்கும்.

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.