பெட்ரோல் விலை: இமாலய உச்சம் - இதுக்கு பின்னால என்ன திட்டம்?

ஒவ்வொரு நாளும் காலை இன்று எவ்வளவு விலை அதிகரித்திருக்கிறதோ என வாகன ஓட்டிகளின் வயிற்றில் புளியை கரைக்கிறது பெட்ரோல் டீசல் விலை நிலவரம்.

மக்களின் அன்றாட தேவைகளில் ஒன்றாக பெட்ரோல், டீசல் உள்ளிட்ட எரிபொருட்கள் மாறிவிட்டன. கடந்த சில ஆண்டுகளுக்கு முன்பு வரை மாதம் இரு முறை பெட்ரோல், டீசல் விலை நிர்ணயம் செய்யும் முறை அமலில் இருந்து வந்தது. சர்வதேச அளவில் விற்கப்படும் கச்சா எண்ணெய் விலைக்கு ஏற்ப பெட்ரோல் மற்றும் டீசல் ஆகியவற்றின் விலை நிர்ணயம் செய்யப்பட்டது.

இந்த முறை சுமார் 15 ஆண்டுகளாக அமலில் இருந்து வந்தது. இதையடுத்து தினசரி பெட்ரோல், டீசல் விலை நிர்ணயம் செய்யும் முறை அமலுக்கு வந்தது. இதன் பொறுப்பு எண்ணெய் நிறுவனங்களின் கையில் ஒப்படைக்கப்பட்டது.
மாணவர்களுக்கு கல்விக் கடன் ரத்து: அமைச்சர் சொன்ன சூப்பர் தகவல்!
இதில் பெட்ரோல், டீசல் அதிரடியான மாற்றங்களை கண்டு வருவது குறிப்பிடத்தக்கது. இதனால் பெரும்பாலும் பொதுமக்கள் சிரமத்திற்கு ஆளாக நேரிடுகிறது. பெட்ரோல் டீசல் விலையானது சிறிதளவில் இறக்கம் ஏற்பட்டு அதிரடியாக ஏற்றம் கண்டுவருவதை காண முடிகிறது.

கடந்த சில மாதங்களாக பெட்ரோல், டீசல் விலையில் அதிரடி மாற்றம் ஏற்பட்டு வருகிறது. அதிகரிக்கும் விலையால் பிற பொருள்களின் விலைவாசியும் உயரும் சூழல் உருவாகியுள்ளது.

இந்நிலையில் சென்னையில் இன்றைய விலை நிலவரத்தை தெரிந்து கொள்ளலாம். அதாவது பெட்ரோல் விலை நேற்றைய விலையிலிருந்து 30 காசுகள் உயர்ந்து லிட்டருக்கு ரூ.103.61ஆக விற்பனை செய்யப்படுகிறது.
கலெக்டர்களுக்கு தலைமைச் செயலாளர் போட்ட உத்தரவு!
டீசல் விலை நேற்றைய விலையிலிருந்து 33 காசுகள் உயர்ந்து லிட்டருக்கு ரூ.99.59 என்ற விலையில் விற்கப்பட்டு வருகிறது. இந்த விலை இன்று காலை 6 மணி முதல் அமலுக்கு வந்துள்ளது.

சென்னை நிலவரம் தான் இது, தமிழ்நாட்டின் மற்ற மாவட்டங்களில் மேலும் அதிகரித்துள்ளது. சில மாவட்டங்களில் டீசல் விலை 100 ரூபாயை கடந்து விற்பனை செய்யப்படுகிறது. தினமும் அசுர பாய்ச்சலில் விலை உயர்ந்து வருவதால் மக்கள் மிகவும் வேதனை தெரிவிக்கின்றனர்.