80 ரூபாயாக குறைந்தது பெட்ரோல் விலை!!

பெட்ரோலின் விலை லிட்டருக்கு ரூ. 80.90 ஆகவும், டீசலின் விலை லிட்டருக்கு ரூ. 76.72 ஆகவும் நிர்ணயிக்கப்பட்டுள்ளன.

கடந்த சில தினங்களாக பெட்ரோல், டீசல் விலை சிறிது சிறிதாக குறைந்து வரும் நிலையில், இன்றைய பெட்ரோல் டீசல் விலை நிலவரம் குறித்த விபரங்கள் வெளிவந்துள்ளது.

எண்ணெய் நிறுவனங்கள் பெட்ரோல், டீசல் விலையை மாதம் இருமுறை மாற்றியமைத்து வந்தன. சுமார் 15 ஆண்டுகளாக பின்பற்றப்பட்ட இந்த நடைமுறை கடந்த 2017 ஜூன் மாதம் கைவிடப்பட்டது.

இதையடுத்து நாள்தோறும் பெட்ரோல், டீசல் விலை நிர்ணயிக்கும் முறை அமலுக்கு வந்தது. இந்த நடைமுறையில் எரிபொருட்களின் விலை தொடர்ச்சியாக அதிகரித்து வருவதால், பொதுமக்கள் பாதிப்புக்கு ஆளாகின்றனர்.

இந்நிலையில், நேற்றைய நிலவரத்திலிருந்து பெட்ரோலின் விலை லிட்டருக்கு 18 பைசா குறைந்து ரூ. 80.90 ஆகவும், டீசலின் விலை லிட்டருக்கு 17 பைசா குறைந்து ரூ. 76.72 ஆகவும் நிர்ணயிக்கப்பட்டுள்ளன. இந்த விலை இன்று காலை 6 மணி முதல் அமலுக்கு வந்துள்ளது.