பெட்ரோல் விலை: அப்பாடா, நிம்மதி பெருமூச்சுவிட்ட வாகன ஓட்டிகள்!

நமது அன்றாட தேவைகளில் ஒன்றாக பெட்ரோல், டீசல் உள்ளிட்ட எரிபொருட்கள் மாறிவிட்டன. கடந்த சில ஆண்டுகளுக்கு முன்பு வரை மாதம் இரண்டு முறை பெட்ரோல், டீசல் விலை நிர்ணயம் செய்யும் முறை அமலில் இருந்தது. சர்வதேச அளவில் விற்கப்படும் கச்சா எண்ணெய் விலைக்கு ஏற்ப பெட்ரோல் மற்றும் டீசல் ஆகியவற்றின் விலை நிர்ணயம் செய்யப்பட்டது.

இந்த நடைமுறை சுமார் 15 ஆண்டுகளாக அமலில் இருந்தது குறிப்பிடத்தக்கது. இதனைத் தொடர்ந்து நாள்தோறும் பெட்ரோல், டீசல் விலை நிர்ணயம் செய்யும் முறை அமலுக்கு வந்தது. இதன் பொறுப்பு எண்ணெய் நிறுவனங்களின் கையில் ஒப்படைக்கப்பட்டது.

இந்த முறையில் பெட்ரோல், டீசல் அதிரடியான மாற்றங்களை கண்டு வருகிறது. இதனால் பெரும்பாலும் பொதுமக்கள் சிரமத்திற்கு ஆளாக நேரிடுகிறது. பெட்ரோல் டீசல் விலையானது சிறிதளவில் இறக்கம் ஏற்பட்டு அதிரடியாக ஏற்றம் கண்டுவருவதை காண முடிகிறது.

இந்தியர்களின் அமெரிக்கக் கனவைப் பகல் கனவாக்கிய ட்ரம்ப்!

இந்நிலையில் சென்னையில் இன்றைய விலை நிலவரத்தை தெரிந்து கொள்ளலாம். அதாவது பெட்ரோல் விலை நேற்றைய விலையில் இருந்து மாற்றம் இல்லாமல் லிட்டருக்கு ரூ.83.04ஆக விற்கப்படுகிறது.

இதேபோல் டீசல் விலையும் மாற்றமில்லாமல் லிட்டருக்கு ரூ.76.77 என்ற விலையில் விற்கப்பட்டு வருகிறது. இந்த விலை இன்று காலை 6 மணி முதல் அமலுக்கு வந்துள்ளது.

கிலென்மார்க், சிப்லா பங்குகளை நம்பி வாங்கலாமா?

சென்னையில் தொடர்ந்து 17 நாள்கள் பெட்ரோல், டீசல் விலை அதிவேகத்தில் உயர்ந்து வந்தது. இது வாகன ஓட்டிகள், பொதுமக்களிடையே கவலையை ஏற்படுத்தியது. இந்நிலையில் இன்று பெட்ரோல், டீசல் விலையில் மாற்றமில்லை என்ற அறிவிப்பு வாகன ஒட்டிகளை நிம்மதியடையச் செய்துள்ளது.