பெட்ரோல் விலை: என்னமா ஏறிடுச்சு - வாகன ஓட்டிகள் செம ஷாக்!

நம் அடிப்படை தேவைகளில் ஒன்றாக எரிபொருட்கள் இருக்கின்றன. அவற்றில் வாகனப் பயன்பாட்டிற்கான பெட்ரோல், டீசல் மிகவும் முக்கியமானது. கடந்த சில ஆண்டுகளுக்கு முன்பு வரை மாதம் இரண்டு முறை பெட்ரோல், டீசல் விலை நிர்ணயம் செய்யும் முறை அமலில் இருந்தது. சர்வதேச அளவில் விற்கப்படும் கச்சா எண்ணெய் விலைக்கு ஏற்ப பெட்ரோல், டீசல் விலை நிர்ணயம் செய்யப்பட்டது.

இந்த முறை சுமார் 15 ஆண்டுகளாக அமலில் இருந்தது வந்தது. இதையடுத்து நாள்தோறும் பெட்ரோல், டீசல் விலை நிர்ணயம் செய்யும் முறை அமலுக்கு வந்தது. அதன்பிறகு இந்தப் பொறுப்பு எண்ணெய் நிறுவனங்கள் வசமானது.

பின்னர் பெட்ரோல், டீசல் அதிரடியான மாற்றங்களை கண்டது. இதனால் பெரும்பாலும் பொதுமக்கள் சிரமத்திற்கு ஆளாக நேரிட்டது. பெட்ரோல் டீசல் விலையானது சிறிதளவில் இறக்கம் ஏற்பட்டு அதிரடியாக ஏற்றம் கண்டுவருவதை காண முடிகிறது.

அடல் பென்சன் திட்டம்: எப்படி இணைவது? என்ன பயன்?

கடந்த மார்ச் மாதம் கொரோனா தொற்று காரணமாக நாடு முழுவதும் ஊரடங்கு உத்தரவு பிறப்பிக்கப்பட்டது. இதனால் தொடக்கத்தில் பெட்ரோல், டீசல் விலை மாற்றமின்றி இருந்தது. ஆனால் ஜூன், ஜூலை மாதங்களில் விலை படிப்படியாக உயரத் தொடங்கியது.

இந்நிலையில் சென்னையில் இன்றைய விலை நிலவரத்தை தெரிந்து கொள்ளலாம். அதாவது பெட்ரோல் விலை நேற்றைய விலையில் இருந்து 17 காசுகள் அதிகரித்து லிட்டருக்கு ரூ.84.91ஆக விற்பனை செய்யப்படுகிறது.

இதேபோல் டீசல் விலை 22 காசுகள் உயர்ந்து லிட்டருக்கு ரூ.77.30 என்ற விலையில் விற்கப்பட்டு வருகிறது. இந்த விலை இன்று காலை 6 மணி முதல் அமலுக்கு வந்துள்ளது. தொடர் விலை உயர்வால் வாகன ஓட்டிகள் வருத்தமடைந்துள்ளனர்.