Adani stocks: ரத்த வெள்ளத்தில் அதானி பங்குகள்.. ஹிண்டென்பர்க் ரிப்போர்ட் எதிரொலி!

இன்று (ஜனவரி 27) பங்கு வர்த்தகத்தில் அதானி குழுமத்தின் ஏழு நிறுவனங்களின் பங்கு விலை மிக மோசமாக சரிந்துள்ளன. ஏற்கெனவே ஜனவரி 25ஆம் தேதி அதானி பங்குகள் கடுமையாக சரிந்துவிட்ட நிலையில், இன்று மீண்டும் அதானி பங்குகள் ரத்த வெள்ளத்தில் மிதக்கின்றன.

இன்று மட்டும் அதானி பங்குகள் கிட்டத்தட்ட 20% வரை சரிந்துவிட்டன. அதானி குழுமம் சார்ந்த அனைத்து பங்குகளுமே இன்று மிக மோசமாக சரிந்துள்ளன. அதானி எண்டர்பிரைசஸ் பங்கு 9% மேல் சரிந்துள்ளது. அதானி ட்ரான்ஸ்மிஷன் பங்கு 19% மேல் சரிந்துள்ளது.

அதானி டோட்டல் கேஸ் பங்கு 20% சரிந்துள்ளது. அதானி கிரீன் எனர்ஜி பங்கு 19% மேல் சரிந்துள்ளது. அதானி போர்ட்ஸ் பங்கு 15% சரிந்துள்ளது. அதானி பவர் பங்கு 5% சரிந்துள்ளது. அதானி வில்மர் பங்கு 5% சரிந்துள்ளது. ஏசிசி பங்கு 11% சரிந்துள்ளது. அம்புஜா சிமெண்ட்ஸ் பங்கு 17% சரிந்துள்ளது. என்டிடிவி பங்கு 5% சரிந்துள்ளது.

Adani: அதானிக்கு ஹிண்டென்பர்க் சவால்.. முடிஞ்சா கோர்ட்டுக்கு போங்க!
இப்படி இன்று பங்கு வர்த்தகத்தில் அதானி குழுமம் சார்ந்த அனைத்து பங்குகளும் ரத்தம் கசிந்து வருகின்றன. அமெரிக்காவை சேர்ந்த ஹிண்டென்பர்க் (Hindenburg Research) நிறுவனம் ஜனவரி 25ஆம் தேதி அதானி குழுமம் மீது பல்வேறு குற்றச்சாட்டுகளை முன்வைத்து ஆய்வறிக்கை ஒன்றை வெளியிட்டது.

அதில், அதானி குழுமம் கணக்கு மோசடியில் ஈடுபட்டுள்ளதாகவும், அதானி பங்குகள் கையாளப்பட்டு ஏற்றப்பட்டுள்ளதாகவும் குற்றம்சாட்டப்பட்டுள்ளது. இந்த அறிக்கை வெளியானதை தொடர்ந்து அதானி பங்குகள் மிக மோசமாக சரிந்துள்ளன.

மேலும், அதானி குழுமத்தின் தலைவர் கவுதம் அதானியின் சொத்து மதிப்பு சரிந்து உலக பணக்காரர்கள் பட்டியலில் அவர் கீழே சறுக்கியுள்ளார். ஹிண்டென்பர்க் நிறுவனத்துக்கு எதிராக சட்ட நடவடிக்கை எடுக்க அதானி நிறுவனம் திட்டமிட்டு வருகிறது. எனினும், முடிந்தால் நீதிமன்றத்துக்கு செல்லும்படி அதானிக்கு ஹிண்டென்பர்க் சவால் விடுத்துள்ளது. மேலும், நீதிமன்றத்தில் அதானியிடம் கேட்டு வாங்க வேண்டிய ஆவணங்கள் நிறைய இருப்பதாகவும் ஹிண்டென்பர்க் தெரிவித்துள்ளது.