IPO: ஐபிஓ முதலீட்டில் செய்யக்கூடாத முக்கிய தவறுகள்!

ஐபிஓ (IPO) என்பது ஒரு நிறுவனத்தின் பங்குகள் முதல்முறையாக பங்குச் சந்தை நுழைவின்போது பொது முதலீட்டாளர்களுக்கு விற்பனை செய்யப்படுவதாகும்.

ஐபிஓக்கள் தொடர்ந்து வந்துகொண்டேதான் இருக்கும். அதனால் அவசரப்பட்டு எல்லா ஐபிஓக்களிலும் பணத்தை போடக்கூடாது. முதலீட்டாளர்களை கவிழ்த்துவிட்ட ஐபிஓக்களும் உண்டு. எனவே, எந்தவொரு ஐபிஓவிலும் முதலீடு செய்வதற்கு முன் முழுமையாக ஆராய்ச்சி செய்து களமிறங்க வேண்டும்.

நீங்கள் முதலீடு செய்யும் நிறுவனத்தின் தொழில் செயல்பாடுகள் மற்றும் தொழில் அமைப்பை புரிந்துகொள்ளாமல் முதலீடு செய்யவே கூடாது.

நீங்கள் முதலீடு செய்யும் ஐபிஓவின் மொத்த மதிப்பீடு (Valuation) மிக முக்கியமான அளவீடு. நிறுவனத்தின் நிதிநிலை, பங்குச் சந்தை நிலவரம், முந்தைய நிதிநிலை, தொழில் திறன் உள்ளிட்ட பல்வேறு விஷயங்களை உள்ளடக்கியதுதான் மதிப்பீடு. ஒரு ஐபிஓவின் மதிப்பீடு அதிகமாக இருந்தால் டிமாண்டும் அதிகமாக உள்ளது என பொருள். ஆனால், மதிப்பீடு மட்டுமே ஐபிஓவில் முதலீடு செய்வதற்கான காரணமாக இருக்கக்கூடாது.

பங்குச் சந்தை சரிவுப் பாதையில் இருக்கும்போது ஐபிஓக்களில் முதலீடு செய்வதை தவிர்க்க வேண்டும் என்பது நிபுணர்களின் அறிவுரை.