இந்த பங்கில் அப்போதே 10,000 ரூபாய் முதலீடு செய்திருந்தால் இப்போ எவ்வளவு லாபம் தெரியுமா?

பங்கு சந்தையில் உடனடியாக லாபம் சம்பாதிக்க வேண்டும் என பேராசை படாமல் நல்ல பங்குகளை தேர்வு செய்து முதலீடு செய்து பொறுமையுடன் காத்திருந்தவர்களே வெற்றி பெற்றிருக்கின்றனர். அவ்வகையில், சுஸ்லான் எனர்ஜி பங்கு கடந்த ஒரு ஆண்டில் நல்ல லாபம் கொடுத்துள்ளது.

கடந்த சுமார் ஒரு மாதமாகவே சுஸ்லான் எனர்ஜி (Suzlon Energy) பங்கு நல்ல ஏற்றத்தை கண்டுள்ளது. இன்று சுஸ்லான் எனர்ஜி பங்கு விலை 13.45 ரூபாயாக உள்ளது. கடந்த ஒரு மாதத்தில் சுஸ்லான் எனர்ஜி பங்கு விலை சுமார் 60 சதவீதம் உயர்ந்துள்ளது.

ஒரு ஆண்டில் லாபம்:

கடந்த ஆண்டு ஜூன் 7ஆம் தேதி சுஸ்லான் பங்கு விலை வெறும் 7.44 ரூபாய் மட்டுமே. அப்போது சுஸ்லான் எனர்ஜி பங்குகளில் 10,000 ரூபாய் முதலீடு செய்திருந்தால் மொத்தம் 1344 பங்குகளை வாங்கி இருக்கலாம்.

தற்போது சுஸ்லான் எனர்ஜி பங்கு விலை 13.45 ரூபாயாக உள்ளது. ஒரு ஆண்டில் உங்களது 10,000 ரூபாய் முதலீடு இப்போது 18076 ரூபாயாக உயர்ந்திருக்கும். ஆக, 10,00 ரூபாய் முதலீட்டுக்கு 8076 ரூபாய் லாபம். ஒரே ஆண்டில் சுமார் 80 சதவீத லாபம் கிடைத்திருக்கும்.

பங்கு வளர்ச்சி:

சுஸ்லான் எனர்ஜி பங்கு கடந்த ஒரு மாதத்தில் 60 சதவீதம் உயர்ந்துள்ளது. கடந்த ஆறு மாதங்களில் 44 சதவீதம் உயர்ந்துள்ளது. கடந்த ஒரு ஆண்டில் 64 சதவீதம் உயர்ந்துள்ளது. கடந்த ஐந்து ஆண்டுகளில் 84.25 சதவீதம் உயர்ந்துள்ளது.

வருமானம்:

சுஸ்லான் எனர்ஜி நிறுவனம் காற்றாலைகளுக்கு தேவையான டர்பைன்களை உற்பத்தி செய்து வருகிறது. கடந்த மார்ச் காலாண்டில் சுஸ்லான் எனர்ஜி நிறுவனம் 319.99 கோடி ரூபாய் லாபம் ஈட்டியது. மேலும் சுஸ்லான் எனர்ஜி நிறுவனம் தனது கடன்களை 5,796 கோடி ரூபாயில் இருந்து 1,180 கோடி ரூபாயாக குறைத்துள்ளது.