TCS share: தூள் கிளப்பும் டிசிஎஸ் பங்கு.. இன்னிக்கு இருக்கு சம்பவம்!

இந்தியாவின் மிகப்பெரிய ஐடி நிறுவனமான டிசிஎஸ் (TCS) பங்கு விலை இன்று 3% மேல் உயர்ந்துள்ளது. இன்று ஒரே நாளில் டிசிஎஸ் பங்கு விலை 100 ரூபாய்க்கு மேல் உயர்ந்துள்ளது. காலை 11.30 மணி நிலவரப்படி டிசிஎஸ் பங்கு விலை அதிகபட்சமாக 3314 ரூபாயை தொட்டுள்ளது.

டிசிஎஸ் நிறுவனம் இன்று டிசம்பர் காலாண்டுக்கான வருமான விவரங்களை வெளியிட இருக்கிறது. டிசிஎஸ் லாபகரமாக இயங்கி வரும் நிறுவனம் என்பதாலும், இந்தியாவின் மிகப்பெரிய ஐடி நிறுவனம் என்பதாலும் பங்கு முதலீட்டாளர்கள் மத்தியில் நல்ல மதிப்பை பெற்ற பங்கு.

இன்று டிசிஎஸ் வருமான விவரங்கள் வெளியாக உள்ள சூழலில் பங்கு விலை பயங்கர வேகத்தில் உயர்ந்துள்ளது. அக்டோபர் - டிசம்பர் காலாண்டில் டிசிஎஸ் நிறுவனத்தின் லாபம் 11000 கோடி ரூபாய்க்கு மேல் இருக்கும் என எதிர்பார்க்கப்படுகிறது.

படிச்சிருந்தா இன்னும் நல்லா இருந்துருப்பேன்.. மனம் திறந்த அதானி
முந்தைய காலாண்டோடு ஒப்பிட்டால் லாபம் 8% அல்லது அதற்கு மேல் உயரும் என எதிர்பார்க்கப்படுகிறது. முந்தைய செப்டம்பர் காலாண்டில் டிசிஎஸ் நிறுவனம் 10,431 கோடி ரூபாய் லாபம் ஈட்டி இருந்தது குறிப்பிடத்தக்கது.

வருவாயை பொறுத்தவரை டிசம்பர் காலாண்டில் டிசிஎஸ் நிறுவனத்தின் வருவாய் 57000 கோடி ரூபாய்க்கு மேல் இருக்கும் என எதிர்பார்க்கப்படுகிரது. டாலர் அடிப்படையில் 6,900 மில்லியன் டாலருக்கு மேல் வருவாய் உயரும் என எதிர்பார்க்கப்படுகிறது. முந்தைய செப்டம்பர் காலாண்டில் டிசிஎஸ் நிறுவனத்தின் வருவாய் 6,877 மில்லியன் டாலர் என்பது குறிப்பிடத்தக்கது.

இன்று டிசம்பர் காலாண்டுக்கான வருமான விவரங்களை வெளியிடுவது மட்டுமல்லாமல், டிசம்பர் காலாண்டுக்கான டிவிடெண்ட் பற்றிய விவரத்தையும் டிசிஎஸ் வெளியிடப்போகிறது. மேலும், டிவிடெண்ட் பெறுவதற்கான Record date ஜனவரி 17 என ஏற்கெனவே முடிவு செய்யப்பட்டுவிட்டதும் குறிப்பிடத்தக்கது.

அதாவது, ஜனவரி 17ஆம் தேதி அன்று யாரிடம் டிசிஎஸ் பங்குகள் இருக்கின்றனவோ, அவர்களுக்கு டிவிடெண்ட் கிடைக்கும்.