ITC share: புதிய உச்சத்தில் ஐடிசி பங்கு.. செம குஷியில் பங்குதாரர்கள்!

இன்று பங்கு வர்த்தகத்தில் ஐடிசி (ITC) பங்கு விலை கணிசமாக உயர்ந்து புதிய உச்சத்தையும் தொட்டுள்ளது. இதனால் ஐடிசி பங்குதாரர்கள் பெரும் மகிழ்ச்சியில் இருக்கின்றனர். இன்று பங்கு வர்த்தகம் தொடங்கிய பின் ஐடிசி பங்கு 6% மேல் உயர்ந்து 384.70 ரூபாயை தொட்டுள்ளது.

இதுமட்டுமல்லாமல் ஐடிசி பங்கு பழைய உச்சத்தை தாண்டி புதிய உச்சத்தை எட்டியிருப்பது குறிப்பிடத்தக்கது. இதற்கு முன் ஐடிசி பங்கு 2017ஆம் ஆண்டு ஜூலை மாதத்தில் 367.70 ரூபாய் என்ற உச்சத்தை தொட்டிருந்தது. இந்நிலையில், இன்று பழைய உச்சத்தை தாண்டி 384.70 ரூபாய் என்ற புதிய உச்சத்தை தொட்டுள்ளது ஐடிசி பங்கு.

நேற்று மத்திய பட்ஜெட் தாக்கல் செய்யப்பட்டது. இதில், சிகரெட்டுகள் மீதான வரி உயர்த்தப்பட்டது. இதனால், சிகரெட்டுகளின் விலை உயரக்கூடிய சூழல் உருவாகியுள்ளது. ஐடிசி நிறுவனத்தின் பிரதான தொழிலே சிகரெட்தான். ஐடிசிக்கு 40% வருவாய் சிகரெட் தொழில் வாயிலாக கிடைக்கிறது.

Adani stocks: அதள பாதாளத்தில் அதானி பங்குகள்.. குமுறும் பங்குதாரர்கள்!
எனினும், இந்த வரி உயர்வால் சிகரெட்டுகளின் விலை லேசாகவே உயரும் என கூறப்படுகிறது. இதனால், நேற்று முதல் ஐடிசி பங்கு விலை மிக வேகமாக உயர்ந்து வருகிறது. இதுமட்டுமல்லாமல், நாளை ஐடிசி நிறுவனத்தின் டிசம்பர் காலாண்டு முடிவுகளும் வெளியாக இருக்கின்றன.

ஐடிசி நிறுவனம் தொடர்ந்து நல்ல லாபத்தில் இயங்கி வரும் சூழலில் டிசம்பர் காலாண்டிலும் நல்ல வருமானம் இருக்கும் என எதிர்பார்க்கப்படுகிறது. எனவே, இன்று ஐடிசி பங்கு விலை வேகமாக உயர்ந்து பழைய சாதனையை தகர்த்து புதிய உச்சத்தை எட்டியுள்ளது.

இன்று பங்குச் சந்தை ஏற்ற இறக்கங்களுடன் நிலையின்றி காணப்பட்டாலும் ஐடிசி பங்கு விலை நல்ல வேகத்தில் உயர்ந்துள்ளது.