ITC share: திடீர்னு சறுக்கிய ஐடிசி பங்கு.. காரணம் என்ன?

இந்தியாவின் மிகப்பெரிய தொழில் குழுமங்களில் ஒன்று ஐடிசி (ITC). இந்நிலையில், இன்று (ஜனவரி 30) பங்கு வர்த்தகம் முடிவில் ஐடிசி பங்கு விலை லேசாக 0.64% குறைந்து 343.80 ரூபாயாக சரிந்துள்ளது.

கடந்த வாரம் கடைசி இரண்டு நாட்கள் பங்குச் சந்தை மிக கடுமையாக சரிந்த போதிலும் ஐடிசி பங்கு விலை உயர்ந்திருந்தது. இன்று பங்குச் சந்தை ஏற்ற இறக்கத்துடன் நிலையற்றதாக காணப்பட்டாலும், வர்த்தகம் முடிவில் பங்குச் சந்தை பாசிட்டிவாகவே முடிவடைந்தது.

எனினும், பங்குச் சந்தை பாசிட்டிவாக முடிவடைந்த போதிலும் ஐடிசி பங்கு லேசாக சரிந்துள்ளது. இந்த சரிவுக்கு காரணம் என்ன? இதற்கான பதில் மத்திய பட்ஜெட்டில்தான் இருக்கிறது. வரும் பிப்ரவரி 1ஆம் தேதி நாடாளுமன்றத்தில் பட்ஜெட் அறிக்கையை தாக்கல் செய்ய இருக்கிறார் நிதியமைச்சர் நிர்மலா சீதாராமன்.

Adani stocks: அதானி பங்குகள் மீண்டும் வீழ்ச்சி.. மூன்றாவது நாளாக சரிவு!
பெண்கள் மற்றும் சிறுவர்களின் உடல்நலனை பாதுகாப்பதற்கு சிகரெட் உள்ளிட்ட புகையிலை பொருட்கள் மீதான வரியை உயர்த்த வேண்டும் என நாடாளுமன்ற நிலைக் குழு ஏற்கெனவே பரிந்துரைத்துள்ளது. எனவே, தற்போது மத்திய பட்ஜெட்டில் புகையிலை பொருட்கள் மீதான வரி உயர்த்தப்படலாம் என்ற அச்சம் எழுந்துள்ளது.

ஐடிசி நிறுவனம் சிகரெட் விற்பனை வாயிலாகவே பிரதான வருமானம் ஈட்டி வருகிறது. எனவே, மத்திய பட்ஜெட் நெருங்கிவிட்டதால் இன்று ஐடிசி பங்கு லேசாக சரிந்துள்ளது. எனினும், இன்றைய வர்த்தகம் தொடங்கியதும் ஐடிசி பங்கு விலை உயர்ந்து 351.75 ரூபாய் அளவுக்கு உயர்ந்தது. பின்னர் பங்கு விலை ஏற்ற இறக்கத்துடன் காணப்பட்டது.

மேலும் இன்று வர்த்தகத்தில் ஐடிசி பங்கு விலை அதிகபட்சமாக 341.85 ரூபாய் அளவுக்கு சரிந்துள்ளது. பங்கு வர்த்தகம் முடிவில் ஐடிசி பங்கு விலை 344.80 ரூபாயாக குறைந்துள்ளது.

இன்று பங்கு வர்த்தகம் முடிவில் சென்செக்ஸ் 168 புள்ளிகள் உயர்ந்து 59500 ஆக உள்ளது. நிப்டி 44 புள்ளிகள் உயர்ந்து 17649 ஆக உள்ளது.


பட்ஜெட்

பட்ஜெட் செய்திகள்

வரி சேமிப்பு

வருமான வரி கால்குலேட்டர்

பட்ஜெட் கேள்வி பதில்கள்

வருமான வரி