IPO: மெட்ரோ பிராண்ட்ஸ் ஐபிஓ இந்த வாரம் தொடக்கம்.. முழு விவரம்!

Metro Brands நிறுவனத்தின் IPO டிசம்பர் 10ஆம் தேதி தொடங்குகிறது. பிரபல முதலீட்டாளர் ராகேஷ் ஜுன்ஜுன்வாலாவின் ஆதரவு பெற்ற இந்நிறுவனத்தின் ஐபிஓ டிசம்பர் 14 அன்று நிறைவடையும். இதன் பங்கு விலை ஒன்றிற்கு ரூ. 485 முதல் ரூ. 500 வரை நிர்ணயிக்கப்பட்டுள்ளது.

ஆரம்ப விற்பனையில் ரூ.295 கோடி மதிப்புள்ள எக்விட்டி பங்குகள் வருகின்றன. மேலும், புரமோட்டார்கள் மற்றும் இதர பங்குதாரர்களால் 2.14 கோடி ஈக்விட்டி பங்குகள் விற்பனைக்கு வருகின்றன. ஐபிஓ மூலம் ரூ.1,367.5 கோடி கிடைக்கும் என எதிர்பார்க்கப்படுகிறது. இந்நிறுவனத்தின் பங்குகள் தேசிய பங்குச் சந்தை, மும்பைப் பங்குச் சந்தை இரண்டிலும் டிசம்பர் 22ஆம் தேதி பட்டியலிடப்படும் என எதிர்பார்க்கப்படுகிறது.

மெட்ரோ பிராண்ட்ஸ் நிறுவனம் தற்போது இந்தியா முழுவதும் 136 நகரங்களில் 598 ஸ்டோர்களைக் கொண்டுள்ளது. இவற்றில் கடந்த மூன்று ஆண்டுகளில் மட்டும் 211 கடைகள் திறக்கப்பட்டுள்ளன. 2021 நிதியாண்டில், இந்தியாவில் அதிக எண்ணிக்கையிலான பிரத்யேக ஸ்டோர்களை கொண்ட மூன்றாவது மிகப்பெரிய நிறுவனமான மெட்ரோ பிராண்ட்ஸ் உள்ளது.

2000 ரூபாய் நோட்டுகளின் எண்ணிக்கை குறைவு.. மத்திய அரசு கொடுத்த ஷாக்!
இது Metro, Mochi, Walkway, Da Vinchi மற்றும் J Fontini போன்ற சொந்த பிராண்டுகளான பாதணிகளையும், Crocs, Skechers, Clarks, Florsheim மற்றும் Fitflop போன்ற சில பிராண்டுகளின் தயாரிப்புகளையும் விற்பனை செய்கிறது. பெல்ட்கள், பைகள், காலுறைகள், முகமூடிகள் உள்ளிட்டவைகள் விற்பனை செய்யப்படுகிறது.

செப்டம்பர் காலாண்டில், மெட்ரோ பிராண்ட்ஸ் நிறுவனத்தின் நிகர லாபம் ரூ.43 கோடியாக இருந்தது. கடந்த ஆண்டு இதே காலாண்டில் ரூ.41 கோடி நஷ்டம் ஏற்பட்டது. ஒரு வருடத்திற்கு முன்பு ரூ.228 கோடியிலிருந்து மொத்த வருமானம் ரூ.489 கோடியாக உயர்ந்துள்ளது.

இதுபோன்ற பங்குச் சந்தை தொடர்பான செய்திகள், கட்டுரைகளை படிக்க இந்தியாவின் முன்னணி எக்விட்டி மற்றும் முதலீட்டு பத்திரிகையான தலால் ஸ்ட்ரீட்டுக்கு (Dalal Street) சப்ஸ்கிரைப் செய்யவும்.

Disclaimer: மேலே உள்ள தகவல் தலால் ஸ்ட்ரீட் பத்திரிகை (DSIJ) சார்பாக உருவாக்கப்பட்டது. எனவே, இதற்கு TIL நிறுவனம் பொறுப்பு இல்லை என்பதை தெரிவித்துக்கொள்கிறோம். இத்தகவல்கள் சரியானதா, புதுப்பிக்கப்பட்டதா, சரிபார்க்கப்பட்டதா என்பதை உறுதிப்படுத்திக்கொள்ளவும்.