ITC share: ஐடிசி பங்குக்கு நெருக்கடி.. இப்போ என்ன செய்யலாம்?

இன்று பங்கு வர்த்தகம் முடிவில் ஐடிசி (ITC) பங்கு விலை 0.69% சரிந்து 329.50 ரூபாயாக லேசாக குறைந்துள்ளது. அடுத்து வரும் நாட்களில் ஐடிசி பங்கு அழுத்தத்தில் இருக்கும் என எதிர்பார்க்கப்படுகிறது. ஏனெனில், பட்ஜெட்டில் ஐடிசிக்கு பாதகமான சில அறிவிப்புகள் வெளியாகலாம் என எதிர்பார்க்கப்படுகிறது.

சிகரெட்டில் தொடங்கி FCMG, ஹோட்டல், ஐடி என பல்வேறு துறைகளில் ஐடிசி நிறுவனம் தொழில் செய்து வருகிறது. எனினும், ஐடிசி நிறுவனத்தின் பிரதான தொழில் சிகரெட் உற்பத்திதான். ஐடிசி வருமானத்தின் பெரும்பகுதி சிகரெட்டில் இருந்துதான் கிடைக்கிறது.

கடந்த சில மாதங்களில் ஐடிசி பங்கு விலை கடகடவென உயர்ந்து கணிசமாக முன்னேறிவிட்டது. மேலும் ஐடிசி நிறுவனத்துக்கு கடன் இல்லை. எனவே, இப்போதும் ஐடிசி பங்கு பாசிட்டிவாகவே உள்ளது. எனினும், சிகரெட் தொழிலுக்கு எதிரான அறிவிப்பு பட்ஜெட்டில் வெளியாகும் என அச்சம் எழுந்துள்ளதால் தற்போது ஐடிசி பங்கு அழுத்தத்தில் உள்ளது.

Railtel share: ரயில்டெல் பங்கு திடீர் ஏற்றம்.. காரணம் என்ன?
புகையிலை பயன்பாட்டை குறைப்பதற்காக சிகரெட் உள்ளிட்ட புகையிலை பொருட்களுக்கு வரியை உயர்த்த வேண்டும் என நாடாளுமன்ற நிலைக் குழு பரிந்துரைத்துள்ளது. இந்த பரிந்துரையின் அடிப்படையில் சிகரெட் மீதான வரி உயர்த்தப்பட்டால் ஐடிசி பங்கு அழுத்தத்தை சந்திக்கும்.

நீண்டகால அடிப்படையில் பார்த்தால், வரி உயர்த்தப்பட்டாலும் கூட சிகரெட் விற்பனை குறையுமா என்பது சந்தேகமே என்கின்றனர் நிபுணர்கள். மேலும், ஐடிசி நிறுவனம் FMCG, ஹோட்டல், ஐடி, விவசாயம், பேப்பர், பேக்கேஜிங் என பல்வேறு துறைகளிலும் தொழில் செய்து வருகிறது. இன்னும் பல்வேறு துறைகளுக்கு விரிவுபடுத்த திட்டமிட்டுள்ளது.

எனவே, நீண்டகால அடிப்படையில் ஐடிசி பங்கு பாசிட்டிவாக இருப்பதாக நிபுணர்கள் கூறுகின்றனர். டிசம்பர் காலாண்டில் ஐடிசி நிறுவனத்தின் வருவாய் 5.9% உயரும் என எதிர்பார்க்கப்படுவதாக ICICI Direct நிறுவனம் தெரிவித்துள்ளது.