5 நாட்கள் காத்திருந்தால் 50% லாபம்.. இந்த பங்கு உங்களிடம் இருக்கா?

ரயில்வே சார்ந்த பல்வேறு பங்குகள் பங்கு சந்தையில் வர்த்தகமாகி வருகின்றன. இதில் ரயில் விகாஸ் நிகாம் (Rail Vikas Nigam Limited) பங்கு கடந்த சில வாரங்களாகவே ட்ரெண்டாகி வருகிறது. குறிப்பாக கடந்த நான்கு நாட்களில் ரயில் விகாஸ் நிகாம் பங்கு 40% உயர்ந்து அட்டகாசமான லாபத்தை கொடுத்துள்ளது.

நேற்று ஒரே நாளில் மட்டும் ரயில் விகாஸ் நிகாம் பங்கு 19% உயர்ந்துள்ளது. இன்று வரை ஐந்து நாட்களில் ரயில் விகாஸ் நிகாம் பங்கு விலை 48% உயர்ந்துள்ளது. அதாவது ஐந்தே நாட்களில் சுமார் 50% லாபம். கடந்த திங்கள், செவ்வாய் தினங்களில் ரயில் விகாஸ் நிகாம் பங்கு தாறுமாறாக உயர்ந்துள்ளது. நேற்று ரயில் விகாஸ் நிகாம் பங்கு விலை 104.60 ரூபாயாக முடிவடைந்தது.

இந்நிலையில், இன்றும் ரயில் விகாஸ் நிகாம் பங்கு விலை 9% மேல் உயர்ந்து 114.70 ரூபாயை தொட்டுவிட்டு பின்னர் profit booking காரணமாக குறைந்துள்ளது. தற்போது ரயில் விகாஸ் நிகாம் பங்கு விலை 103 ரூபாய் அளவுகளில் வர்த்தகமாகி வருகிறது.

கடந்த ஐந்து நாட்கள் மட்டுமல்லாமல் கடந்த சில வாரங்களாகவே ரயில் விகாஸ் நிகாம் பங்கு விலை தொடர்ந்து ஏற்றம் கண்டுதான் வருகிறது. இதற்கு முக்கிய காரணம் ரயில்வே அமைச்சகம், மெட்ரோ ரயில் நிறுவனங்கள், நெடுஞ்சாலை துறை உள்ளிட்ட பல தரப்புகளிடம் இருந்து ரயில் விகாஸ் நிகாம் நிறுவனம் பல கோடி ரூபாய் மதிப்புள்ள பல்வேறு ஆர்டர்களை கைப்பற்றியுள்ளது.

இதன் காரணமாக ரயில் விகாஸ் நிகாம் தொடர்ந்து ஏற்றம் கண்டு வருகிறது. ஏற்கெனவே இந்த பங்கை வாங்கியவர்கள் தற்போது விற்று அதிக லாபத்தை பெற்றுக்கொள்ளலாம்.