Railtel share: ரயில்டெல் பங்கு திடீர் ஏற்றம்.. காரணம் என்ன?

இன்றைய பங்கு வர்த்தகத்தில் ரயில்வே பங்கான ரயில்டெல் (Railtel Corporation of India) நிறுவனத்தின் பங்கு விலை 3% மேல் உயர்ந்துள்ளது. ரயில்டெல் பங்கு விலையின் இந்த திடீர் ஏற்றத்துக்கு காரணம் என்ன?

இன்று பங்கு வர்த்தகத்தின்போது ரயில்டெல் பங்கு விலை 3% மேல் உயர்ந்து 129.30 ரூபாயை தொட்டுள்ளது. புதுச்சேரி அரசிடம் இருந்தும், பொதுத்துறை நிறுவனமான NMDC நிறுவனத்திடம் இருந்தும் ரயில்டெல் நிறுவனம் 292 கோடி ரூபாய் மதிப்புள்ள ஆர்டர்களை பெற்றுள்ளது.

இந்த செய்தி வெளியானதை தொடர்ந்து ரயில்டெல் பங்கு விலை 3% மேல் உயர்ந்துள்ளது. ரயில்டெல் நிறுவனம் மத்திய ரயில்வே அமைச்சகத்தின் கீழ் இயங்கி வருகிறது. இந்நிறுவனம் புதுச்சேரி அரசின் வருவாய் மற்றும் பேரிடம் மேலாண்மை துறையிடம் இருந்து 170.11 கோடி ரூபாய் மதிப்புள்ள ஆர்டரை பெற்றுள்ளது.

Axis Bank share: அதிரடி ஆட்டத்தில் ஆக்ஸிஸ் பேங்க் பங்கு.. இப்போ வாங்கலாமா?
இந்த ஆர்டரின்படி, புதுச்சேரியில் ஸ்மார்ட் சிட்டி திட்டத்தின் கீழ் ஐந்து ஆண்டுகளுக்கு ஐடி உள்கட்டமைப்பு பல்வேறு பணிகளை ரயில்டெல் நிறுவனம் செய்ய வேண்டும். இத்திட்டத்தின் மொத்த மதிப்பு 122.63 கோடி ரூபாய்.

மினி ரத்னா பொதுத்துறை நிறுவனமான ரயில்டெல் பங்கு கடந்த 6 மாதங்களில் 30% மேல் உயர்ந்துள்ளது. ஒரு ஆண்டில் பங்கு விலை 7% உயர்ந்துள்ளது. இந்த பங்கின் 52 வார உச்சம் 148.70 ரூபாய். 52 வார சரிவு 84 ரூபாய். தற்போது இந்நிறுவனத்தின் மார்க்கெட் கேப் 4070 கோடி ரூபாய்.

இந்தியா முழுவதும் டெலிகாம் மற்றும் ஐடி சார்ந்த உள்கட்டமைப்பு பணிகளை ரயில்டெல் ஏற்படுத்தி வருகிறது. குறிப்பாக, ரயில் வழித்தடங்களில் optical fibre நெட்வொர்க் அமைப்பதற்கான தனி உரிமையும் ரயில்டெல் நிறுவனத்துக்கு இருப்பது கூடுதல் சிறப்பு.