பலவீனமான ஆசிய சந்தைகள்.. சரிவுடன் தொடங்கிய நிஃப்டி,சென்செக்ஸ்!

இந்த வாரத்தின் இரண்டாவது வர்த்தக நாளான இன்று சென்செக்ஸ், நிஃப்டி குறியீடுகள் மந்தமாக திறக்கப்பட்டன. காலை 9.49 மணியளவில், பிஎஸ்இ சென்செக்ஸ் 112 புள்ளிகள் குறைந்து 54,176 ஆக வர்த்தகமானது. நிஃப்டி 50 புள்ளிகள் குறைந்து 16,164 இல் வர்த்தகமானது. மிட்கேப் மற்றும் ஸ்மால்கேப் குறியீடுகள் 0.4 சதவீதம் வரை உயர்ந்தன.

இன்றைய வர்த்தகத்தில், நஷ்டமடைந்தவர்களில் ஹிந்துஸ்தான் யூனிலீவர், 2.36 சதவீதம் சரிந்து ரூ.2,323.85 ஆக இருந்தது. ஐடிசி, பார்தி ஏர்டெல், டிசிஎஸ் இன்ஃபோசிஸ் மற்றும் டைட்டன் நிறுவனம் 0.5 சதவீதம் வரை சரிந்தன.

எம்&எம் 1.37 சதவீதம் உயர்ந்து ரூ.954.95 ஆக இருந்தது. இண்டஸ் இண்ட்வங்கி 1.1 சதவீதம் அதிகரித்து ரூ 912.50 ஆக இருந்தது. பவர் கிரிட், ஹெச்டிஎஃப்சி, ரிலைன்ஸ் இண்டஸ்ட்ரீஸ், எஸ்பிஐ மற்றும் ஆக்சிஸ் 0.9 சதவீதம் வரை அதிகரித்தது. சன் பார்மா, டாடா ஸ்டீல், ஐசிஐசிஐ வங்கி, ஹெச்டிஎஃப்சி வங்கி, பஜாஜ் ஃபைனான்ஸ் ஆகிய பங்குகள் இன்றைய சென்செக்ஸில் லாபம் ஈட்டும் பங்குகளாக உள்ளன.

நஷ்டமடைந்த பங்குகளில் டாப்பாக ஹிந்துஸ்தான் யூனிலீவர் நிறுவனம் உள்ளது. இது 2.36 சதவீதம் சரிந்து ரூ.2,323.85 ஆக இருந்தது. ஐடிசி, பார்தி ஏர்டெல், டிசிஎஸ் இன்ஃபோசிஸ் மற்றும் டைட்டன் கம்பெனி 0.5 சதவீதம் வரை சரிந்தன.

ஆன்லைன் உணவு டெலிவரி நிறுவனமான, ஜொமோட்டோ 6.93 சதவீதம் உயர்ந்து ரூ.60.95 ஆக இருந்தது. இதன் சரிசெய்யப்பட்ட எபிட்டா இழப்புகள் தொடர்ந்து குறைந்து வருவதாகவும், மார்ச் காலாண்டில் மொத்த ஆர்டர் மதிப்பு (GOV) வலுவான வளர்ச்சியைக் கண்டுள்ளதாகவும் தரகு நிறுவனம் ஜேபி மோர்கன் மதிப்பிட்டுள்ளது, அதன்படி, பங்கின் இலக்கு விலை ரூ.130 என்று பரிந்துரைத்துள்ளது.

தற்போதைய நிலவரப்படி, 11 மணியளவில் சென்செக்ஸ் 109 புள்ளிகள் சரிந்து 54,181 புள்ளிகளாகவும், நிஃப்டி 51 புள்ளிகள் சரிந்து 16,165 புள்ளிகளாகவும் உள்ளது.