இன்று மாஸ் காட்டும் சென்செக்ஸ்.. 800 புள்ளிகளுக்கு மேல் வர்த்தகம்!! எல்ஐசி ஐபிஓ லிஸ்டிங் குறைவு!!

காலை 9.30 மணியளவில், பிஎஸ்இ சென்செக்ஸ் 378 புள்ளிகள் உயர்ந்து 53,351.44 ஆக வர்த்தகமானது. நிஃப்டி 99.90 புள்ளிகள் அதிகரித்து 15,942.20 இல் வர்த்தகமானது. மிட்கேப் மற்றும் ஸ்மால்கேப் குறியீடுகள் 0.80 சதவீதம் வரை உயர்ந்தன.

சென்செக்ஸ் பங்குகளில், டாடா ஸ்டீல் 2.3 சதவீதம் உயர்ந்து ரூ.1,129.65 ஆக உள்ளது. ரிலையன்ஸ் இண்டஸ்ட்ரீஸ் 1.68 சதவீதம் உயர்ந்து ரூ.2,468.10 ஆக இருந்தது. இண்டஸ்இண்ட் வங்கி, லார்சன் & டூப்ரோ, ஐசிஐசிஐ வங்கி, ஹிந்துஸ்தான் யூனிலீவர் மற்றும் எல் அண்ட் டி ஆகியவை 1.6 சதவீதம் வரை உயர்ந்தன. மாருதி சுசுகி, எம்&எம், ஆக்சிஸ் வங்கி மற்றும் ஹெச்சிஎல் டெக் ஆகிய சில பங்குகள் தலா 1 சதவீதத்திற்கு மேல் உயர்ந்தன.

தற்போதைய நிலவரப்படி, 11.30 மணியளவில் சென்செக்ஸ் 969 புள்ளிகள் உயர்ந்து 53943 புள்ளிகளாகவும், நிஃப்டி 300 புள்ளிகள் அதிகரித்து 16144 புள்ளிகளாகவும் வர்த்தகமாகி வருகின்றன.

இந்த நிலையில், தினசரி RSI அதன் ஓவர்சோல்ட் மண்டலத்தில் இருந்து திரும்பத் தொடங்கியுள்ளது. இது பங்குச் சந்தையில் நம்பிக்கையை அளிக்கிறது. கடந்த மூன்று நாட்களாக, நிஃப்டி 16,100 மற்றும் 15,700 புள்ளிகளில் போராடி வந்தது. இன்று நஷ்டமடைந்த பங்குகளில், ஏசியன் பெயிண்ட்ஸ் 1.1 சதவீதம் சரிந்து ரூ.2,966.50 ஆக இருந்தது. சன் பார்மா, நெஸ்லே இந்தியா, பவர் கிரிட், இன்ஃபோசிஸ் ஆகியவை சென்செக்சில் நஷ்டமடைந்து, 0.4 சதவீதம் வரை சரிந்தன.

அனைவரின் பார்வையும் எல்ஐசி ஐபிஓ பட்டியலில் இருந்தது. அதன் பட்டியலிடுவதற்கு முன்னதாக, வெளிநாட்டு தரகு நிறுவனமான Macquarie ஒரு நடுநிலை மதிப்பீட்டில் பங்கு மீதான கவரேஜை 1,000 இலக்கை பரிந்துரைத்துள்ளது. இந்த நிலையில், தற்போது பங்குச் சந்தையில் எல்ஐசியின் பங்குகள் இன்று 9% பட்டியலிடப்பட்டது.