18 ரூபாய்க்கு பேங்க் வாங்கலாம் தெரியுமா? 100% மேல் லாபம் கொடுத்த பங்கு!

சவுத் இந்தியன் வங்கியின் (South Indian Bank) காலாண்டு முடிவுகள் திருப்திகரமாக இருந்ததால் இன்று சவுத் இந்தியன் வங்கி பங்கு விலை 8% மேல் உயர்ந்துள்ளது. இப்போதும் இந்த பங்கின் விலை 18 ரூபாய்க்கு குறைவாக இருக்கிறது.


இன்று பங்கு வர்த்தகம் தொடக்கியபோது சவுத் இந்தியன் வங்கி பங்கு விலை 8% மேல் உயர்ந்தது. பங்கு வர்த்தகம் முடிவடைந்தபோது சவுத் இந்தியன் வங்கி பங்கு விலை 8.28% உயர்ந்து 17.65 ரூபாயாக முடிவடைந்துள்ளது.

கடந்த ஒரு மாதத்தில் சவுத் இந்தியன் வங்கி பங்கு விலை 14.61% உயர்ந்துள்ளது. கடந்த ஆறு மாதங்களில் சவுத் இந்தியன் வங்கி பங்கு விலை 24.30% உயர்ந்துள்ளது. கடந்த ஒரு ஆண்டில் சவுத் இந்தியன் வங்கி பங்கு விலை 123.42% உயர்ந்துள்ளது. இப்படி சைலண்ட்டாக முதலீட்டாளர்களுக்கு நல்ல லாபம் வழங்கி வருகிறது சவுத் இந்தியன் வங்கி.

சவுத் இந்தியன் வங்கி வங்கி தனது மார்ச் காலாண்டு முடிவுகளை வெளியிட்டுள்ளது. அதன்படி, மார்ச் காலாண்டில் சவுத் இந்தியன் வங்கியின் லாபம் 23 சதவீதம் அதிகரித்துள்ளது. மார்ச் காலாண்டில் சவுத் இந்தியன் வங்கி 333.9 கோடி ரூபாய் லாபம் ஈட்டியுள்ளது.

மேலும் சவுத் இந்தியன் வங்கியின் நிகர வட்டி வருமானம் (Net interest income) 43.4 சதவீதம் உயர்ந்து 857.2 கோடி ரூபாயாக அதிகரித்துள்ளது. கடந்த ஆண்டு மார்ச் காலாண்டில் நிகர வட்டி வருமானம் 597.7 கோடி ரூபாயாக இருந்தது.

இதுபோக சவுத் இந்தியன் வங்கியின் மொத்த வாராக் கடன் விகிதம் 5.14 சதவீதமாகவும், நிகர வாராக் கடன் விகிதம் 1.86 சதவீதமாகவும் குறைந்துள்ளது.

இதுமட்டுமல்லாமல் சவுத் இந்தியன் வங்கி தனது பங்குதாரர்களுக்கு ஒரு பங்குக்கு 0.30 ரூபாய் டிவிடெண்ட் வழங்கப்படும் என்று அறிவித்துள்ளது.

லாபம் நல்ல உயர்வு, டிவிடெண்ட் அறிவிப்பு, வாராக் கடன் விகிதம் குறைவு போன்ற திருப்திகரமான காரணங்களால் சவுத் இந்தியன் வங்கி பங்கு விலை இன்று அதிரடியாக 8 சதவீதம் மேல் உயர்ந்துள்ளது.