50 ஆயிரம் டூ 20 லட்சம் ரூபாய்.. பணத்தை கொட்டும் பங்கு!

அண்மைக்காலமாக பங்குச் சந்தையில் மல்டிபேகர் பங்குகளின் (Multibagger stocks) எண்ணிக்கை அதிகரித்து வருகிறது. மல்டிபேகர் என்பது 10 மடங்கு லாபம் அல்லது அதற்கு மேல் லாபம் தந்துள்ள பங்குகள் ஆகும். இவ்வகையில், கடந்த ஆறு மாதத்தில் அட்டகாசமான லாபம் கொடுத்த ஒரு மல்டிபேகர் பங்கை பற்றி பார்க்கலாம்.

கைசர் கார்ப்பரேஷன் (Kaiser Corporation) பங்கு கடந்த ஆறு மாதத்தில் 20799% உயர்ந்துள்ளது. மேலும் தொடர்ந்து இந்த பங்கின் விலை உயர்ந்துகொண்டே போகிறது. 2022ஆம் ஆண்டில் மிக வேகமாக உயர்ந்த மல்டிபேகர் பங்கும் இதுதான்.

இந்த ஆண்டில் மட்டும் கைசர் பங்கு இதுவரை 3675% உயர்ந்துள்ளது. இதனால் கைசர் பங்கு வாங்கியவர்கள் லாப மழையில் நனைந்து வருகின்றனர். கடந்த ஒரே வாரத்தில் கைசர் பங்கு விலை 92.95 ரூபாயில் இருந்து 112.85 ரூபாயாக உயர்ந்துள்ளது. அதாவது 21.50% உயர்ந்துள்ளது.

ரூ.50 ஆயிரம் டூ 8 கோடி ரூபாய்.. அள்ள அள்ள பணம் தரும் பங்கு!
கடந்த ஒரே மாதத்தில் இந்த பங்கு 151.06% உயர்ந்துள்ளது. சரி இந்த பங்கில் முதலீடு செய்திருந்தால் எவ்வளவு லாபம் கிடைத்திருக்கும்? ஒரு வாரத்துக்கு முன் இந்த பங்கில் 1 லட்சம் ரூபாய் முதலீடு செய்திருந்தால் இன்று 1.21 லட்சம் ரூபாயாக மாறியிருக்கும்.

ஒரு மாதத்துக்கு முன் 1 லட்சம் ரூபாய் முதலீடு செய்திருந்தால் இப்போது 2.50 லட்சம் ரூபாயாக மாறியிருக்கும். இந்த ஆண்டின் முதல் பங்கு வர்த்தக நாளான ஜனவரி 3ஆம் தேதி கைசர் பங்கு விலை 2.90 ரூபாயாக இருந்தது. அப்போது இந்த பங்கில் 1 லட்சம் ரூபாய் முதலீடு செய்திருந்தால் இப்போது 38.65 லட்சம் ரூபாயாக மாறியிருக்கும்.

ஜனவரி 3ஆம் தேதி கைசர் பங்கில் 50,000 ரூபாய் முதலீடு செய்திருந்தால் இப்போது சுமார் 19.32 லட்சம் ரூபாய் கிடைத்திருக்கும்.