Titan Share: உச்சத்தை நெருங்கும் டைட்டன் பங்கு.. இப்போ பிசினஸ் எப்படி இருக்கு?

டைட்டன் (Titan) பங்கு விலை இன்று 5% மேல் உயர்ந்து 2745 ரூபாயை தொட்டுள்ளது. மேலும், டைட்டன் பங்கு தனது வரலாற்று உச்சமான 2768 ரூபாயை நெருங்கும் நிலையில் உள்ளது. டைட்டன் பங்கு கடந்த மார்ச் மாதம் 2768 ரூபாய் அளவை தொட்டது குறிப்பிடத்தக்கது.

இன்று டைட்டன் பங்கு விலை கடகடவென உயர காரணம் என்ன? கடந்த செப்டம்பர் காலாண்டில் விற்பனை 18% உயர்ந்துள்ளதாகவும், புதிதாக 105 ஸ்டோர்களை செப்டம்பர் காலாண்டில் மட்டும் தொடங்கியுள்ளதாகவும் டைட்டன் நிறுவனம் தெரிவித்துள்ளது.

இத்தகவல் வெளியானதை தொடர்ந்து இன்று டைட்டன் பங்கு விலை 5% மேல் உயர்ந்துள்ளது. டைட்டன் நிறுவனம் நகைகள், வாட்ச், ஸ்மார்ட்வாட்ச், வியபரபிள்ஸ், கண்ணாடி உள்ளிட்ட தயாரிப்புகளை விற்பனை செய்து வருகிறது. இந்நிலையில், செப்டம்பர் காலாண்டில் பெரும்பாலான தொழில்களில் இரட்டை இலக்க வளர்ச்சியை பெற்றுள்ளதாகவும், விற்பனை 18% உயர்ந்துள்ளதாகவும் டைட்டன் நிறுவனம் தெரிவித்துள்ளது.

Indian Rupee: இந்திய ரூபாய் மதிப்பு வரலாறு காணாத வீழ்ச்சி.. இப்போ எவ்வளவு தெரியுமா?
இதுமட்டுமல்லாமல், நவராத்திரி, தந்தேரஸ், தீபாவளி என பண்டிகைக்காலம் தொடங்கியுள்ளதால் டைட்டன் நிறுவனத்தின் தொழில் தொடர்ந்து பாசிட்டிவாகவே இருக்கும் என எதிர்பார்க்கப்படுகிறது. எனவே, இந்த காரணங்களால் இன்று டைட்டன் பங்கு விலை உயர்ந்துள்ளது.

செப்டம்பர் காலாண்டில் டைட்டன் நிறுவனத்தின் நகை விற்பனை 18% உயர்ந்துள்ளது. வாட்ச் மற்றும் வியபரபிள்ஸ் விற்பனை 20% உயர்ந்துள்ளது. கண்ணாடி மற்றும் ஐகேர் பிரிவில் விற்பனை 7% உயர்ந்துள்ளது. இதுபோக டைடனின் ஃப்ராக்ரன்ஸ் மற்றும் ஃபேஷன் பொருட்கள் விற்பனை 34% உயர்ந்துள்ளது.