கடனில் தத்தளிக்கும் தமிழக அரசு... பட்ஜெட்டில் தகவல்!

தமிழக அரசின் இடைக்கால பட்ஜெட்டை துணை முதலமைச்சரும், நிதியமைச்சருமான ஓ.பன்னீர்செல்வம் இன்று தாக்கல் செய்து வருகிறார். இதில் தமிழக அரசின் கடன் சுமை ரூ.5.7 லட்சம் கோடியாக உயர்ந்துள்ளதாகத் தெரியவந்துள்ளது.

அதேபோல 2021-22-ஆம் ஆண்டிற்கான வருவாய் பற்றாக்குறை ரூ.41,417.30 கோடியாக இருக்கும் எனவும், மூலதன செலவினம் 14.41 சதவீதம் ஆக உயர்ந்து ரூ.43,170.61 கோடியாக இருக்கும் என எதிர்பார்ப்பதாகவும் தெரிவிக்கப்பட்டுள்ளது. 2011ஆம் ஆண்டில் தமிழக அரசின் கடன் சுமை ரூ.1,01,439 கோடியாக இருந்தது. அது 2012ஆம் ஆண்டில் ரூ.1,20,204 கோடியாகவும், 2013ஆம் ஆண்டில் ரூ.1,40,041 கோடியாகவும், 2014ஆம் ஆண்டில் ரூ.1,95,290 கோடியாகவும் அதிகரித்தது.

பின்னர், 2015ஆம் ஆண்டில் ரூ.2,11,483 கோடி, 2016ஆம் ஆண்டில் 2,52,431 கோடி, 2017ஆம் ஆண்டில் ரூ.3,14,366 கோடி, 2018ஆம் ஆண்டில் 3,55,844 கோடி, 2019ஆம் ஆண்டில் 3,97,495 கோடி, 2020ஆம் ஆண்டில் ரூ.4,56,660 கோடி என்ற அளவில் இருந்தது. தமிழக அரசின் 2021-22ஆம் ஆண்டுக்கான வருவாய் பற்றாக்குறை ரூ.41,417.30 கோடியாக இருக்கும் எனவும், மூலதனச் செலவுகள் 14.41 சதவீதமாக உயர்ந்து ரூ.43,170.61 கோடியாக இருக்கும் எனவும் இந்த பட்ஜெட்டில் கூறப்பட்டுள்ளது.

எல்லாருக்கும் சம்பளம், PF, Gratuity மாறப்போகுது!!
வரி வருவாயைப் பொறுத்தவரையில், இந்த ஆண்டில் தமிழக அரசின் ஜிஎஸ்டி வருமானம் ரூ.45,395.50 கோடியாக இருக்கும் என்று மதிப்பிடப்பட்டுள்ளது. அதேபோல, மதிப்பு கூட்டு வரி ரூ.56,413.19 கோடி, மாநில கலால் வரி ரூ.9,613.91 கோடி எனவும் மதிப்பீடு செய்யப்பட்டுள்ளது.