தமிழக பட்ஜெட் 2017 : வரிச்சலுகை அறிவிப்பு எதுவும் இல்லை!

2017-18ஆம் நிதி ஆண்டிற்கான தமிழக பட்ஜெட்டில் வரிச்சலுகை எதுவும் அறிவிக்கப்படவில்லை.

தமிழக பட்ஜெட் தாக்கல் செய்யப்பட்டுள்ள நிலையில் பல்வேறு அறிவிப்புகள் வெளியாகியுள்ளன. இதில் வரிச்சலுகை குறித்த எந்தவித அறிவிப்பும் இல்லை. ஏனென்றால் நாடு முழுவதும் ஜிஎஸ்டி அமலுக்கு வரவிருக்கும் நிலையில், தமிழகத்திற்கு என தனியாக வரிச்சலுகை அறிவிக்க முடியாது என்பதால் எந்த வரிச்சலுகையும் பட்ஜெட்டில் இடம் பெறவில்லை. மறைந்த முதலமைச்சர் ஜெயலலிதா ஜிஎஸ்டி மசோதாவிற்கு எதிர்ப்பு தெரிவித்து வந்த நிலையில், தற்போது உள்ள அதிமுகவினர் அதற்கு ஒப்புதல் அளித்துள்ளனர் என்பது குறிப்பிடத்தக்கது.

நிதி அமைச்சர் ஜெயக்குமார் தமிழக பட்ஜெட்டை தாக்கல் செய்தார். சுமார் 2 மணி நேர மணி நேரம் பட்ஜெட் தாக்கல் செய்யப்பட்டது. அதனையடுத்து வருகிற 20ஆம் தேதி வரை தமிழக சட்டப்பேரவையை ஒத்திவைத்து சபாநாயகர் தனபால் உத்தரவிட்டார்.