இக்னோ பல்கலை.யில் உதவித்தொகையுடன் BBA படிப்பு!

இந்திரா காந்தி தேசிய திறந்தநிலை பல்கலைக்கழகத்தில் உதவித்தொகையுடன் BBA பட்டப்படிப்பு வழங்கப்படுகிறது. இதற்கு எப்படி விண்ணப்பிக்க வேண்டும், மாணவர் சேர்க்கை எப்படி நடைபெறும் என்பது பற்றி இங்கு பார்க்கலாம்.

Indira Gandhi National Open University (IGNOU): இந்திரா காந்தி தேசிய திறந்தநிலைப் பல்கலைக்கழகத்தில் பல்வேறு விதமான சான்றிதழ் படிப்பு, டிப்ளமோ படிப்பு, பட்டம், முதுநிலைப் பட்டம், பிஹெச்டி படிப்புகள் வழங்கப்படுகிறது.

இந்த நிலையில், MKCL எனப்படும் மகராஷ்டிரா நிறுவனத்துடன் இணைந்து உதவித்தொகையுடன் கூடிய மூன்றாண்டு பிபிஏ பட்டப்படிப்பை வழங்குகிறது. மேலும், MKCL நிறுவனத்தில் மூன்று ஆண்டுகள் பணிபுரிவதற்கான வாய்ப்புகளும் பெற முடியும். ஒட்டு மொத்தமாக படிப்பும், உதவித்தொகையும், பணி அனுபவமும் பெறலாம்.

மேற்கண்ட IGNOU BBA 2020 படிப்பிற்கு நுழைவுத்தேர்வு அடிப்படையில் மாணவர்கள் தெரிவு செய்யப்படுகிறார்கள். இதற்கு விண்ணப்பிக்க ஜூன் 10 ஆம் தேதி கடைசி நாள் ஆகும். நுழைவுத்தேர்வு ஜூலை 14 ஆம் தேதி நடைபெறும். BBA படிப்பிற்கான கல்வி கட்டணம் ஆண்டுக்கு 20 ஆயிரம் ரூபாய் ஆகும்.

இது பற்றிய முழுமையான விவரங்களுக்கு இக்னோ பல்கலைக்கழகம் வெளியிட்டுள்ள அதிகாரப்பூர்வ அறிவிப்பைப் பார்க்கவும்.