TNEA Admissions 2022 : பொறியியல் மாணவர் சேர்க்கையில் accept&upward தேர்வு செய்தவர்களுக்கான கட்டண விவரம் வெளியீடு

பிஇ, பிடெக் படிப்பில் சேர்வதற்கு விண்ணப்பித்தவர்களில் தகுதியான 156278 பேருக்கு ஆகஸ்ட் 11 ந் தேதி தரவரிசைப்பட்டியல் வெளியிடப்பட்டது. அவர்களில் சிறப்பு பிரிவினருக்கு ஆகஸ்ட் 18 ந் தேதி முதல் 22 ந் தேதி வரையில் கலந்தாய்வு நடத்தப்பட்டது.

பொதுப்பிரிவினருக்கான கலந்தாய்வு செப்டம்பர் 10 ந் தேதி முதல் நவம்பர் 17 ந் தேதி வரையில் நடைபெறுகிறது. முதல் சுற்றுக்கலந்தாய்வில் பொதுப்பிரிவு, தொழில்பிரிவு, அரசுப்பள்ளி மாணவர்களுக்கான 7.5 சதவீதம் இட ஒதுக்கீட்டிற்கான கலந்தாய்வு ஆன்லைன் மூலம் செப்டம்பர் 15 ந் தேதி நடைபெற்று முடிந்துள்ளது..

முதல் சுற்றுக் கலந்தாய்வில் பொதுப்பிரிவில் பதிவு செய்த 14 ஆயிரத்து 546 பேரில் 11,595 பேருக்கு தற்காலிக ஒதுக்கீடு அளிக்கப்பட்டது. 5233 மாணவர்கள் கல்லூரிகளில் சேர்வதற்கும், 4269 மாணவர்கள் தற்காலிக ஒதுக்கீட்டை ஏற்றுக்கொண்டும் அதே சமயம் விரும்பிய மேலே உள்ள இடத்தில் சேர காத்திருப்பதாகவும் , காலியிடம் கிடைத்தால் அனுமதி அளிக்கவும் விருப்பம் தெரிவித்துள்ளனர்.

இந்த முறை பொறியியல் படிப்பில் கல்லூரிகளில் ஏற்படும் காலியிடங்களை தவிர்ப்பதற்காக புதிய முறை அறிமுகம் செய்யப்பட்டுள்ளது. கலந்தாய்வு நடைபெறும்போதே, மாணவர்கள் விரும்பும் கல்லூரியில் இடம் கிடைத்தால் சேரலாம் அல்லது தனக்கு ஒதுக்கீடு செய்யப்பட்ட கல்லூரியில் சேர விருப்பம் தெரிவித்துவிட்டு விரும்பிய கல்லூரியில் சேர்வதற்கு இடம் கிடைத்தாலும் சேர்வதற்கு காத்திருக்கிறேன் என்பதையும் தெரிவிக்கலாம்.

இந்நிலையில் ஒதுக்கீடு பெற்றப் பின்னரும் காத்திருக்கும் மாணவர்கள் , பொறியியல் மாணவர் சேர்க்கை மையத்தில் கட்டணம் செலுத்த வேண்டும். அதற்கான கட்டண விவரங்களை பொறியியல் மாணவர் சேர்க்கை குழு அறிவித்துள்ளது. அப்படி விரும்பிய கல்லூரியில் இடம் கிடைத்தால் அதற்கான ஒதுக்கீடு PROVISIONAL ALLOTMENT FOR UPWARD OPTED CANDIDATES வருகின்ற செப்டம்பர் 25ஆம் தேதி அறிவிக்கப்படும் என்றும் தெரிவிக்கப்பட்டுள்ளது..