சிபிஎஸ்இ 10, 12 ஆம் வகுப்பு பொதுத்தேர்வுக்கான ஹால்டிக்கெட் வெளியீடு!

Central Board of Secondary Education (CBSE) எனப்படும் மத்திய இடைநிலைக் கல்வி வாரியம் 10, 12 ஆம் வகுப்பு சிபிஎஸ்இ பொதுத்தேர்வுக்கான ஹால் டிக்கெட்டை வெளியிட்டுள்ளது. பள்ளி நிர்வாகத்தினர் இதனை cbse.nic.in இணையதளத்துக்குச் சென்று மாணாக்கர்களின் ஹால்டிக்கெட்டை பதிவிறக்கம் செய்து கொள்ளலாம்.

மத்திய இடைநிலைக் கல்வி வாரியம், நடப்பு ஆண்டிற்கான பொதுத்தேர்வு கால அட்டவணையை கடந்த டிசம்பர் 17 ஆம் தேதி வெளியிட்டிருந்தது. அதன்படி, வரும் பிப்ரவரி 15 ஆம் தேதி சிபிஎஸ்இ பொதுத்தேர்வுகள் (CBSE Board Exams) தொடங்குகிறது.

10 ஆம் வகுப்புக்கு முதன்மை பாடங்களுக்கான சிபிஎஸ்இ தேர்வுகள் பிப்ரவரி 26 ஆம் தேதி தொடங்கி, மார்ச் 18 ஆம் தேதி முடிவடைகிறது. இதே போல், 12 ஆம் வகுப்புகளுக்கான சிபிஎஸ்இ தேர்வுகள் பிப்ரவரி 22 முதல் மார்ச் 30 வரையில் நடைபெறுகிறது.

முழுமையான சிபிஎஸ்இதேர்வு கால அட்டவணையைப் பார்க்க இங்கு க்ளிக் செய்யவும்.

CBSE Board Exam Date Sheet 2020

இந்த நிலையில், தற்போது சிபிஎஸ்இ பொதுத்தேர்வுக்கான ஹால் டிக்கெட் வெளியாகியுள்ளது. மாணவர்கள் இதனை நேரடியாக பதிவிறக்கம் செய்ய முடியாது. அந்தந்த பள்ளி நிர்வாகம் மட்டுமே பதிவிறக்கம் செய்து மாணாக்கர்களுக்கு வழங்க முடியும்.

பள்ளி நிர்வாகத்தினர், தங்களுடைய பள்ளி இணைப்பு எண் (CBSE Affiliation Number) மற்றும் கடவுச் சொல் ஆகியவற்றை பயன்படுத்தி, CBSE Admit Card 2020 பெறுவார்கள். பின்பு, தலைமை ஆசிரியரின் கையொப்பம் பெற்று, மாணவர்களுக்கு வழங்கப்படும். ஹால் டிக்கெட் இல்லாத மாணவர்கள், பொதுத்தேர்வு எழுத அனுமதிக்கப்பட மாட்டார்கள்.
CBSE 10th Board Exam Date Sheet 2020 CBSE 12th Board Exam Date Sheet 2020