2023 NEET, JEE, CUET தேர்வுகளுக்கான தேர்வு தேதி அறிவிச்சாச்சி! எந்த நாள்னு தெரியுமா?

தேசிய தேர்வு முகமையால் நடத்தப்படும் மருத்துவ நுழைவுத்தேர்வு நீட், பொறியியல் நுழைவுத்தேர்வு ஜெ.இ.இ , பல்கலைக்கழகங்களுக்கான நுழைவுத்தேர்வு கியூட் உள்ளிட்ட தேர்வுகளுக்கான 2023 தேர்வு தேதி உள்ளிட்ட விவரங்களை வெளியிட்டுள்ளது தேசிய தேர்வு முகமை.

அதன் படி, நாடு முழுவதும் உள்ள மருத்துவ கல்லூரிகளில் 2023ஆம் கல்வியாண்டில் சேர்வதற்கான மருத்துவ நுழைவு தேர்வு(neet) ஏப்ரல் 26, 27, 28, 29 ஆகிய தேதிகளில் நாடு முழுவதும் பல்வேறு மையங்களில் நடைப்பெற உள்ளது.

ஐஐடி உள்ளிட்ட நாட்டின் முக்கியமான உயர்கல்வி நிறுவனங்களில் சேர்வதற்கான 2023ஆம் ஆண்டிற்க்கான ஜெ.இ.இ (மெயின்) தேர்வு முதல் கட்டமாக ஜனவரி 24, 25, 27, 28, 29, 30, 31 ஆகிய தேதிகளில் நடைப்பெற உள்ளது. இதில் பிப்ரவரி 1, 2, 3 ஆகிய தேதிகள் ரிசர்வ் தேதிகளாக அறிவிக்கப்பட்டுள்ளன.

அதே ஜெ.இ.இ (மெயின்) தேர்வின் இரண்டாவது கட்டம் ஏப்ரல் 6, 8, 10, 11, 12 ஆகிய தேதிகளில் நடைபெறும். இரண்டாம் கட்ட தேர்வுகளுக்கு ஏப்ரல் 13, 15 ஆகிய தேதிகள் ரிசர்வ் தேதிகளாக அறிவிக்கப்பட்டுள்ளன.

அதே போல், 2023ஆம் கல்வி ஆண்டிற்க்கான பல்கலைக்கழக பொது நுழைவுத் தேர்வான கியூட் தேர்வு மே மாதம் 21 முதல் 31ஆம் தேதி வரை நடைபெற உள்ளது. கியூட் தேர்வுக்கு ஜூன் 1 முதல் 7 வரை ரிசர்வ் தேதிகளாக அறிவிக்கப்பட்டுள்ளன.

அதே போல் விவசாய ஆராய்ச்சி படிப்பான ICAR AIEEA தேர்வுகள் ஏப்ரல் 26, 27, 28, 29 ஆகிய தேதிகளில் அறிவிக்கப்பட்டுள்ளது.

மேலும் விவரங்கள் மற்றும் தேர்வு குறித்த சந்தேகங்களுக்கு தேசிய தேர்வு முகமையின் அதிகாரபூர்வ வலைத்தளத்தை www.nta.ac.inஅணுகுமாறு கேட்டுக் கொள்ளப்பட்டுள்ளது.