UGC NET Exam 2019: ஹால் டிக்கெட் இன்று வெளியீடு!

அடுத்த மாதம் நடக்கவுள்ள நெட் தேர்வுக்கான ஹால் டிக்கெட் இன்று வெளியிடப்படுகிறது. விண்ணப்பதாரர்கள் இதனை ntanet.nic.in என்ற இணையதளம் மூலம் பெற்றுக் கொள்ளலாம்.

உதவி பேராசிரியர், இளநிலை ஆராய்ச்சியாளர் ஆகியவற்றிற்கான தேசிய தகுதி தேர்வுதான் நெட். இதற்கு முன்பு வரை இந்த பேராசிரியர் தகுதித் தேர்வை யுஜிசி-யும், அதன்பிறகு சிபிஎஸ்இ-யும் நடத்தி வந்தது. இந்நிலையில்,இந்த ஆண்டு நெட் தேர்வை தேசிய தேர்வு முகமை முதல் முறையாக நடத்த உள்ளது.

அடுத்த மாதம் நடைபெறவிருக்கும் நெட்தேர்வுக்கான ஆன்லைன் விண்ணப்பப் பதிவு கடந்த மார்ச் 1 ஆம் தேதி தொடங்கியது மார்ச் 30 ஆம் தேதி வரையில் விண்ணப்பிப்பதற்கான கால அவகாசம் வழங்கப்பட்டது. ஜூன் 20, 21, 24 , 25 , 26, 27, 28 ஆகிய தேதிகளில் தேர்வு நடைபெறுகிறது. இந்நிலையில், தேர்வுக்கான ஹால் டிக்கெட்டுகள் இன்று வெளியாகும் என்று தகவல்கள் வந்துள்ளது. விண்ணப்பதாரர்கள் இதனை ntanet.nic.in என்ற இணையதளம் மூலம் பெற்றுக் கொள்ளலாம் நுழைவுச் சீட்டு இல்லாதவர்கள் தேர்வு எழுத அனுமதிக்கப்பட மாட்டார்கள்.

முன்னதாக நெட் தேர்வுக்கான பாடத்திட்டம் மொத்தமும் தேசிய தேர்வு முகமை மாற்றியமைத்துள்ளது. இது தொடர்பாக தேசிய தேர்வு முகமை இன்று வெளியிட்டுள்ள அறிவிப்பில், பொதுஅறிவு தேர்வு தாள்-1 உட்பட அனைத்து பாடத்திட்டமும் மாற்றப்பட்டுள்ளதாகவும், புதிய பாடத்திட்டம் யூஜிசியின் அதிகாரப்பூர்வ இணையதளமான www.ugcnetonline.in. ல் கொடுக்கப்பட்டுள்ளதாகவும் கூறப்பட்டுள்ளது. விண்ணப்பதாரர்கள் தங்களது புதிய பாடத்திட்டத்தை தெரிந்து கொண்டு, அதற்கு ஏற்ப தேர்வுக்கு தயாராகுமாறு கேட்டுக்கொள்ளப்படுகிறார்கள்.