மத்திய அரசுப் பணிக்கான SSC CHSL தேர்வு விண்ணப்பக்கட்டண தேதி மாற்றம்!

மத்திய அரசு பணியில் சேருவதற்கான SSC CHSL 2020 தேர்வுக்கு, விண்ணப்பக்கட்டணம் செலுத்துவதற்கான கடைசி தேதி மாற்றப்பட்டுள்ளது.

இந்தாண்டு SSC CHSL தேர்வுக்கான அறிவிப்பு டிசம்பர் 3 ஆம் தேதி மத்திய அரசுப் பணியாளர் தேர்வாணையம் வெளியிட்டது. 12 ஆம் வகுப்பு படித்து முடித்தவர்கள் இந்த SSC CHSL தேர்வை எழுதலாம். மொத்தம் 34 விதமான பணிகள் அறிவிக்கப்பட்டுள்ளது.

முழு விபரங்களுக்கு இங்கு க்ளிக் செய்யவும்:
12 ஆம் முடித்தவர்களுக்கான SSC தேர்வு அறிவிப்பு!

SSC CHSL 2020 தேர்வில் தேர்ச்சிப் பெற்றால் அசிஸ்டெண்ட் செக்ஷன் ஆபீசர், உதவி கணக்கு அலுவலர், உதவி ஆய்வாளர், இளநிலை புள்ளியியல் அலுவலர், உதவி தணிக்கை அலுவலர், வருமான வரி ஆய்வாளர் என பல்வேறு மத்திய அரசு பணியில் சேரலாம். SSC CHSL தேர்வுக்கான விண்ணப்பப்பதிவு டிசம்பர் 3 ஆம் தேதி தொடங்கியது. விண்ணப்பிப்பதற்கான கடைசி நாள் ஜனவரி 10 ஆகும்.

இந்நிலையில், SSC CHSL 2020 தேர்வுக்கு விண்ணப்பக்கட்டணம் செலுத்துவதற்கான கடைசி நாள் மாற்றம் செய்யப்பட்டுள்ளது. டிசம்பர் 3 வெளியான அறிவிக்கையின்படி, ஆன்லைன் வங்கி செலான் பெறுவதற்கான கடைசி நாள் ஜனவரி 12 என்றும், விண்ணப்பக்கட்டணத்தை வங்கியின் மூலம் செலுத்துவதற்கான கடைசி நாள் ஜனவரி 14 என்றும் முதலில் தெரிவிக்கப்பட்டிருந்தது.

இதையும் படிங்க: கோல் இந்தியா நிறுவனத்தில் மாபெரும் வேலைவாய்ப்பு! ஆயிரத்துக்கும் மேற்பட்ட காலியிடங்கள்!!

தற்போது புதிய அறிவிப்பின்படி, ஆன்லைன் மூலம் வங்கி செலானை பெறுவதற்கு ஜனவரி 14 கடைசி நாள் என்று தெரிவிக்கப்பட்டுள்ளது. இதே போல், அந்த செலானை வங்கியில் கொடுத்து விண்ணப்பக்கட்டணம் செலுத்துவதற்கான கடைசி தேதி ஜனவரி 16 என்று மாற்றம் செய்யப்பட்டுள்ளது. ஒட்டு மொத்தமாக 2 நாட்கள் கூடுதலாக்கப்பட்டுள்ளது. இருப்பினும் தேர்வுக்கு விண்ணப்பிப்பதற்கான கடைசி தேதி (ஜன.10) யில் எந்த மாற்றமும் செய்யப்படவில்லை.

இது பற்றிய முழுமையாக தெரிந்து கொள்ள மத்திய அரசுப் பணியாளர் தேர்வாணையம் வெளியிட்டுள்ள அதிகாரப்பூர்வ அறிவிப்பைப் பார்க்கவும்.
SSC CHSL 2020