NIPMER நுழைவுத்தேர்வுக்கான விண்ணப்பப்பதிவு தொடக்கம்!

தேசிய மருந்தியல் கல்வி மற்றும் ஆராயச்சி நிறுவனத்தில் சேர்ந்து படிப்பதற்கான NIPER JEE 2020 தேர்வு அறிவிக்கப்பட்டுள்ளது. மருந்தியல் துறையில் முதுநிலைப் படிப்புகள் படிக்க விரும்பும் மாணவர்கள் இதற்கு விண்ணப்பிக்கலாம். இந்த தேர்வுக்கான விண்ணப்பப்பதிவு ஏப்ரல் 1 முதல் தொடங்கியுள்ளது. விண்ணப்பப்பதிவு மே 15 ஆம் தேதி வரையில் நடைபெறும். தேர்வுகள் ஜூன் 14 ஆம் தேதி நடைபெறுவதாக அறிவிக்கப்பட்டுள்ளது.

NIPER கல்வி நிறுவனத்தில் சேர விரும்பும் மாணவர்கள், www.niperahm.ac.in என்ற இணையதளம் வாயிலாக விண்ணப்பிக்கலாம். அகமதாபாத், குவாத்தி, ஹஜ்பூர், ஹைதரபாத், கொல்கத்தா, ரேபேரெலி, பஞ்சாப் எஸ்ஏஎஸ் ஆகிய நகரங்களில் NIPMER செயல்பட்டு வருகிறது.

ஒவ்வொரு துறையிலும் எத்தனை இடங்கள் உள்ளன, இடஒதுக்கீடு முறை, விண்ணப்பிக்கட்டணம் ஆகியவை அடங்கிய வழிகாட்டுதல் புத்தகம் ஆன்லைனில் பதிவேற்றம் செய்யப்பட்டுள்ளது. இது பற்றிய முழுமையான விவரங்களுக்கு தேசிய மருந்தியல் கல்வி மற்றும் ஆராய்ச்சி நிறுவனம் வெளியிட்டுள்ள அதிகாரப்பூர்வ அறிவிக்கையைப் பார்க்கவும்.