நீட் கலந்தாய்வு: முதல் சுற்று முடிவுகள் மீண்டும் வெளியீடு

நீட் தேர்வு அகில இந்திய இடஒதுக்கீட்டின் கீழ் முதல் சுற்று கலந்தாய்வு மூலம் ஒதுக்கப்பட்ட இடங்கள் பற்றிய முடிவுகளை மருத்துவக் கவுன்சில் இரண்டாவது முறையாக வெளியிட்டுள்ளது.

எம்.பி.பி.எஸ், பி.டி.எஸ் படிப்புகளில் சேர்வதற்கு 2019ஆம் ஆண்டு நீட் தேர்வு (NEET UG) எழுதியவர்களில் அகில இந்திய ஒதுக்கீட்டு பிரிவு (All India Quota) மாணவர்களுக்கு முதல் சுற்று கலந்தாய்வு ஜூன் 19 முதல் 24 வரை ஆன்லைன் கலந்தாய்வு நடைபெற்றது.

இதன் முடிவுகள் மருத்துவக் கவுன்சில் இணையதளத்தில் வெளியானது. ஆனால் நேற்று காலை திடீரென இந்த முடிவுகளை திரும்பப் பெறுவதாக அறிவித்துது. தற்போது மீண்டும் முடிவுகளை வெளியிட்டிருக்கிறது.

மாணவர்கள் medicalcounseling.nic.in என்ற அதிகாரப்பூர்வமான இணையதளத்தில் தங்களுக்கு ஒதுக்கப்பட்ட இடங்கள் குறித்த முடிவை அறிந்துகொள்ளலாம். அல்லது பின்வரும் இணைப்பைக் கிளிக் செய்து நேரடியாக டவுன்லோட் செய்யலாம்.

Click here to check Provisional Result for Round 1 UG 2019

இந்தியா முழுவதும் உள்ள எம்.பி.பி.எஸ், பி.டி.எஸ் படிப்புகளுக்கான இடங்களில் 15% இடங்கள் அகில இந்திய ஒதுக்கீடு மூலம் நிரப்பப்படும். மீதி உள்ள 85% காலியிடங்கள் மாநில அரசு ஒதுக்கீட்டின் மூலம் நிரப்பப்படும். நீட் தேர்வு மதிப்பெண் அடிப்படையில் இந்த ஒதுக்கீடு செய்யப்படுகிறது.

இரண்டு சுற்றுகளாக இந்த கலந்தாய்வு நடக்கிறது. மத்திய மற்றும் நிகர்நிலை பல்கலைக்கழகங்கள் மற்றும் இஎஸ்ஐசி கல்வி நிறுவனங்களுக்கான சுற்று தனியாக நடைபெறும். இந்தக் கலந்தாய்வில் தேர்வான மாணவர்கள் தங்ளுகளுக்கு விரும்பமான கல்லூரிகளின் பெயர்களை அளிக்க வேண்டும். பின், முடிவுகள் மருத்துவக் கவுன்சில் இணையதளத்தில் வெளியாகும்.

இரண்டாம் சுற்று கலந்தாய்வுக்கு பதிவு செய்யும் அவகாசம் ஜூலை 6ஆம் தேதி முதல் 9 வரை உள்ளது. மாணவர்கள் இதற்கான கட்டணத்தை ஜூலை 9, 2019 பகல் 12 மணி வரை கட்டலாம். விருப்பமான கல்லூரிகள் தேர்வு செய்வதும் ஜூலை 9ஆம் தேதியே முடியும். இடங்களை ஒதுக்கும் பணி ஜூலை 10 மற்றும் 11 ஆகிய தேதிகளில் நடக்கும். இரண்டாம் சுற்று கலந்தாய்வு முடிவுகள் ஜூலை 12ஆம் தேதி இணைதளத்தில் வெளியிடப்படும்.

கலந்தாய்வுக்கான முழு அட்டவணை https://mcc.nic.in/ என்ற மருத்துவக் கவுன்சில் இணையதளத்தில் அறிந்துகொள்ளலாம்.