2019 டான்செட் தேர்வு முடிவுகள் வெளியீடு: அண்ணா பல்கலைக்கழகம்

அண்ணா பல்கலைக்கழகத்தில் முதுநிலை படிப்புகளில் சேருவதற்கான டான்செட் நுழைவுத் தேர்வு முடிவுகள் அண்ணா பல்கலைக்கழக இணையதளத்தில் வெளியிடப்பட்டுள்ளன.

அண்ணா பல்கலைக்கழகத்தில் முதுநிலை இன்ஜினியரிங் மற்றும் எம்.பி ஏ. படிப்புகளில் சேர டான்செட் நுழைவுத்தேர்வில் தேர்ச்சி பெற வேண்டும். இந்தக் கல்வி ஆண்டுக்கான டான்செட் தேர்வுகள் ஜூன் 22 மற்றும் 23 ஆகிய தேதிகளில் நடைபெற்றது.

எம்.சி.ஏ மற்றும் எம்.பி.ஏ படிப்புகளுக்கான தேர்வு 22ஆம் தேதியும், எம்.இ, எம்.டெக், எம்.ஆர்க், எம்.பிளான் ஆகிய படிப்புகளுக்கான தேர்வு 23ஆம் தேதியும் நடத்தப்பட்டன. தமிழகத்தில் மொத்தம் 15 நகரங்களில் தேர்வு மையங்கள் அமைக்கப்பட்டு தேர்வு நடத்தது.

இத்தேர்வுக்கான முடிவுகளை தற்போது அண்ணா பல்கலைகழகம் தனது அதிகாரப்பூர்வ இணையதளத்தில் வெளியிட்டுள்ளது. டான்செட் தேர்வு எழுதிய மாணவர்கள் annauniv.edu என்ற இணையதளத்திற்குச் சென்று தேர்வு முடிவுகளைக் காணலாம்.

அல்லது பின்வரும் இணைப்பை கிளிக் செய்தும் நேரடியாக தேர்வு முடிவுகள் வெளியாகியுள்ள பக்கத்துக்குச் செல்ல முடியும்.

Direct link to download TANCET 2019 result

டான்செட் தேர்வு முடிவுகளை அறியும் வழிமுறை

1. nestexam.in என்ற அதிகாரப்பூர்வ இணையதளத்துக்குச் செல்ல வேண்டும்.

2. முகப்புப் பக்கத்தில் உள்ள “TANCET 2019 result” என்ற இணைப்பை கிளிக் செய்ய வேண்டும்.

3. புதிதாகத் திறக்கும் பக்கத்தில் விண்ணப்பிக்கும்போது பதிவு செய்த ஈமெயில் முகவரி மற்றும் பாஸ்வேர்டை பயன்படுத்தி உள்நுழைய (Log in) வேண்டும்.

4. இப்போது டான்செட் 2019 தேர்வு முடிவுகள் திரையில் தோன்றும்.

5. தேர்வு முடிவுகளை டவுன்லோட் செய்து பிரிண்ட் அவுட் எடுத்துக் வைத்துக்கொள்ளலாம்.