வங்கி பணிக்கான IBPS PO தேர்வு முடிவுகள் வெளியீடு!

வங்கிகளில் பி.ஓ (Probationary Officers PO) பணிக்காக நடத்தப்பட்ட IBPS PO முதல்நிலைத் தேர்வு முடிவுகள் தற்போது https://www.ibps.in/ இணையதளத்தில் வெளியிடப்பட்டுள்ளது. இது பற்றிய விபரங்களை இங்கு காணலாம்.

ஐபிபிஎஸ் எனப்படும் வங்கிப் பணிகளுக்கான தேர்வாணையம், பி.ஓ மற்றும் மேலாண்மை பயிற்றுனர் பதவிக்கு கடந்த அக்டோபர் 12,13,19,20 தேதிகளில் முதல்நிலைத் தேர்வு நடத்தியது. இந்த தேர்வின் முடிவுகள் தற்போது அதிகாரப்பூர்வமாக வெளியிடப்பட்டுள்ளது.

IBPS PO முதல்நிலைத் தேர்வு எழுதிய விண்ணப்பதாரர்கள் தங்களது தேர்வு முடிவுகளை ஐபிபிஎஸ் இணையதளத்தில் தெரிந்து கொள்ளலாம். ஐபிபிஎஸ் தேர்வாணையத்தின் அதிகாரப்பூர்வ இணையதளம் https://www.ibps.in/ ஆகும்.

ஐபிபிஎஸ் பி.ஓ தேர்வு முடிவுகளை ஆன்லைனில் தெரிந்து கொள்ளும் வழிமுறை:

படி 1: விண்ணப்பதாரர்கள் முதலில் ஐ.பி.பி.எஸ் அதிகாரப்பூர்வ இணையதளமான https://www.ibps.in/ என்ற பக்கத்துக்குச் செல்லவும்
படி 2: முகப்பு பக்கத்தில் CRP PO/MT-IX - Recruitment of Probationary Officers / Management Trainees என்ற லிங்க் ஓடிக் கொண்டிருக்கும். அதனை க்ளிக் செய்ய வேண்டும்.
படி 3: இப்போது புதிய இணையதள பக்கம் காட்டப்படும்
படி 4: அதில் கேட்கப்பட்டுள்ள விண்ணப்பதாரர்கள் பதிவு எண் / தேர்வு எண், பிறந்த தேதி ஆகியவற்றை எண்டர் செய்ய வேண்டும்.
படி 5: IBPS PO தேர்வு முடிவுகள் இப்போது காட்டப்படும். அதனை பிரிண்ட் அவுட் எடுத்துக் கொள்ளவும்.