JEE: மெயின் 2 விடைத்தாள் வெளியீடு!

ஜே.இ.இ. மெயின் 2 தேர்வுக்கான விடைத்தாள் வெளியிடப்பட்டுள்ளது. மாணவர்கள் இதனை jeemain.nic.in. என்ற ஜேஇஇ.,யின் அதிகாரப்பூர்வ இணையதள பக்கத்தில் தெரிந்து கொள்ளலாம்.

ஐஐடி, என்.ஐ.டி போன்ற பிரபலமான உயர்கல்வி நிறுவனங்களில் பொறியியல், கட்டிடக்கலை போன்ற துறைகளில் பட்டப்படிப்பை மேற்கொள்ள நடத்தப்படும் பொத நுழைவுத் தேர்வு ஜே.இ.இ. (JEE) எனப்படும் ஒருங்கிணைந்த நுழைவுத் தேர்வு (Joint Entrance Examination). இதனை என்.டி.ஏ. எனப்படும் தேசிய தேர்வுகள் ஏஜென்சி நடத்துகிறது.

ஜே.இ.இ மெயின் 1 (JEE Main 1) மற்றும் ஜே.இ.இ மெயின் 2 (JEE Main 2) என இத்தேர்வு இரண்டு கட்டமாக நடத்தப்படும். இந்த இரு தேர்வுகளை எழுதியவர்கள் எந்தத் தேர்வில் அதிக மதிப்பெண் பெறுகிறார்களோ அதனை அடிப்படையாக வைத்து தரவரிசை பட்டியல் தயாரிக்கப்படும். இந்த ஆண்டு ஜனவரில் நடந்த ஜே.இ.இ மெயின் 1 (JEE Main 1) தேர்வை 6.69 லட்சம் பேர் எழுதினர். இவர்களில் 75% பேர் ஜே.இ.இ மெயின் 2 (JEE Main 2) தேர்வையும் எழுத விண்ணப்பித்தனர்.

ஜே.இ.இ மெயின் 2 (JEE Main 2) தேர்வு ஏப்ரல் 7 முதல் 12 வரையில் நடைபெற்றது. இதன் விடைத்தாள் நகல் தற்போது ஜேஇஇ.,யின் அதிகாரப்பூர்வ இணையதளமான jeemain.nic.in பக்கத்தில் வெளியிடப்பட்டுள்ளது. விடைகளில் ஏதேனும் திருத்தங்கள் இருந்தால், ஆயிரம் ரூபாய் செலுத்தி தெரிந்து கொள்ளலாம். இதற்கு விடைத்திருத்தம் செய்தற்கு ஏப்ரல் 16ம் தேதி கடைசி நாளாகும்.