சென்னை பல்கலைக்கழக தொலைதூரக் கல்வி தேர்வு முடிவுகள் வெளியாகும் தேதி அறிவிப்பு!

சென்னை பல்கலைக்கழகத்தின் மூலம் நேரடியாக கல்வி கற்க முடியாதவர்களுக்காக தொலைதூரக் கல்விமையம் செயல்பட்டு வருகிறது. இதன் மூலம் பல்வேறு விதமான பட்டப்படிப்புகள் வழங்கப்பட்டு வருகின்றன.

ஒவ்வொரு ஆண்டும் நேரடி மாணவர்களுக்கு நடப்பது போலவே இவர்களுக்கும் தேர்வு நடைபெறும். அப்படி கடந்த ஆண்டு ஜூன் மாதம் நடைபெற்ற இளங்கலை மற்றும் எம்பிஏ பட்டபடிப்புகளுக்கான தேர்வு முடிவுகள் நாளை 13.1.2023 அன்று மாலை 6 மணியளவில் தொலைதூரக்கல்விக்கான இணையதளத்தில் வெளியாக உள்ளது.

தேர்வு எழுதியுள்ள மாணவர்கள் www.ideunom.ac.in என்ற அதிகாரப்பூர்வ இணையதளம் வாயிலாக பெற்றுக்கொள்ளலாம் என்று சென்னை பல்கலைக்கழகத்தின் தேர்வு கட்டுப்பாட்டாளரிடம் இருந்து அறிவிப்பு வெளியாகியுள்ளது.

எப்படி தேர்வு முடிவுகளை தெரிந்து கொள்வது?

STEP 1 : www.ideunom.ac.in என்ற இணையதளத்திற்குள் செல்லவும்.

STEP 2 : Results பகுதிக்கு சென்று உங்கள் பதிவு எண்ணை உள்ளிடவும்

STEP 3 : தற்போது திறக்கும் சாளரம் மூலம் உங்கள் தேர்வு முடிவுகளை தெரிந்து கொள்ளலாம்.