+2 பொதுத்தேர்வுகள் இன்று துவக்கம்..!

தமிழகம் மற்றும் புதுச்சேரியில் இன்று முதல் +2 அரசுப் பொதுத்தேர்வுகள் துவங்குகின்றன.

இந்த பொதுத்தேர்வை தமிழ்நாடு மற்றும் புதுச்சேரியில் 8,98,763 மாணவ,மாணவிகள் எழுத உள்ளனர்.இவர்களில் 4,17,994 பேர் மாணவர்கள்.4,80,837 பேர் மாணவிகள்.ஒருவர் திருநங்கை ஆவார்.இதுதவிர சிறையில் இருக்கக் கூடிய கைதிகள் 98 பேர் தேர்வு எழுதுகின்றனர்.

இந்த தேர்வுகளுக்காக 2,434 தேர்வு மையங்கள் அமைக்கப்பட்டுள்ளன.தேர்வறை கண்காணிப்பாளர் பணியில் 46,685 ஆசிரியர்கள் ஈடுபடுத்தப்பட உள்ளனர்.இதுதவிர 4000 பேர் கொண்ட பறக்கும் படையும் அமைக்கப்பட்டுள்ளது.இது தவிர மாணவர்கள்,ஆசிரியர்கள் தேர்வறைக்குள் செல்போன் கொண்டு வர தடை விதிக்கப்பட்டுள்ளது.மேலும் ஒழுங்கீன செயல்களில் ஈடுபடும் மாணவர்கள் மற்றும் அதற்கு உடந்தையாக இருக்கும் ஆசிரியர்கள் மீது கடுமையான நடவடிக்கைகள் எடுக்கப்படும் என அரசுத் தேர்வுகள் துறை அறிவித்துள்ளது.

+2 government exams starts today