சார்நிலைப் பணியாளர் தேர்வு வினாத்தாள் கசிந்த விவகாரம்: சிபிஐ விசாரணைக்கு உத்தரவு!

சார்நிலைப் பணியாளர் தேர்வில் வினாத்தாள் கசிந்த விவகாரத்தில், உள்துறை அமைச்சர் ராஜ்நாத் சிங் சிபிஐ விசாரணைக்கு உத்தரவிட்டுள்ளார்.

சார்நிலைப் பணியாளர் தேர்வு கடந்த மாதம் 21 ஆம் தேதி நடைபெற்றது. தேர்வின் வினாத்தாள் வெளியானதால் தேர்வு எழுதியவர்கள் அதிர்ச்சியடைந்தனர்.
இதனால் ஆத்திரமடைந்த தேர்வு எழுதியவர்கள் போராட்டத்தில் இறங்கினர் . சிபிஐ விசாரணையை உடனடியாக மேற்கொள்ள வேண்டும் என்று போராட்டாக்காரர்கள் கோரிக்கை விடுத்தனர்.

இவர்களின் ஒரு வார போராட்டத்திற்குப் பிறகு சிபிஐ விசாரணக்கு உத்தரவிட உள்துறை அமைச்சர் ராஜ்நாத் சிங் சம்மதித்தார். மேலும் போராட்டக்காரர்கள் அளித்த மனு மீதான விசாரணை , உச்சநீதிமன்றத்தில் வருகின்ற மார்ச் 12 ஆம் தேதி விசாரணைக்கு வருகிறது.

கடந்த பிப்ரவரி 27 ஆம் தேதியிலிருந்து போராட்டக்கார்கள் டெல்லி சார்நிலைப் பணியாளர் அலுவலகம் முன் போராட்டம் நடத்தி வருகின்றனர் .