டெட் தேர்வுக்கான விண்ணப்பங்கள் இன்று முதல் விநியோகம்

சென்னை: டெட் தேர்வுக்கான விண்ணப்பங்கள் தமிழகம் முழுவதும் இன்று முதல் வழங்கப்படவுள்ளது.

இதுகுறித்து ஆசிரியர் தேர்வு வாரியம் வெளியிட்டிருந்த அறிக்கையில், டெட் எனப்படும் ஆசிரியர் தகுதி தேர்வு ஏப்ரல் மாதம் 29,30 ஆகிய தேதிகளில் நடைபெற்றவுள்ளது. அந்த தேர்வுக்கான விண்ணப்பங்கள், மாவட்ட முதன்மை கல்வி அதிகாரிகளால் அறிவிக்கப்பட்டமையங்களில், மார்ச் 6-ம் தேதி முதல் (இன்று) மார்ச் 22-ம் தேதி மாலை, 5 மணி வரை வழங்கப்படும். பூர்த்தி செய்யப்பட்ட விண்ணப்பங்கள், மார்ச் 23-ம் தேதி மாலை 5 மணிக்குள் சமர்பிக்க வேண்டுமென தெரிவிக்கப்பட்டிருந்தது.

அதன்படி, டெட் தேர்வுக்கான விண்ணப்பங்கள் இன்று முதல் விநியோகம் செய்யப்படுகிறது. விண்ணப்ப விநியோக மையங்கள் குறித்த விபரங்கள், www.trb.tn.nic.in என்ற தேர்வாணைய இணையதளத்தில் குறிப்பிடப்பட்டுள்ளது. விண்ணப்ப கட்டணமாக, ரூ.50 வசூலிக்கப்படும்.

ஒருவருக்கு ஒரு விண்ணப்பம் மட்டுமே வழங்கப்படும் எனவும், ஒவ்வொரு தாள் தேர்வுக்கும், தனியாக விண்ணப்பம் பெற வேண்டும் என்றும் அறிவிக்கப்பட்டுள்ளது. ஒரு மாவட்டத்தில் விண்ணப்ப படிவம் பெற்று, எந்த மாவட்டத்தில் வேண்டுமானாலும், பூர்த்தி செய்து தரலாம் என்றும் ஆசிரியர் தேர்வு வாரியம் தெரிவித்துள்ளது.
Application for TET exams distribution starts today