பொறியியல் தரவரிசைப் பட்டியல் வெளியீடு

சென்னை: பொறியியல் படிப்புகளுக்கான தரவரிசைப் பட்டியல் சென்னை அண்ணா பல்கலைக்கழகத்தில் வெளியிடப்பட்டது.

தமிழ்நாட்டில் அண்ணா பல்கலைக்கழக கல்லூரிகள், அரசு பொறியியல் கல்லூரிகள், அரசு உதவி பெறும் கல்லூரிகள், தனியார் சுயநிதி கல்லூரிகள் என 583 பொறியியல் கல்லூரிகள் உள்ளன. இவற்றில் சுமார் 2 லட்சம் இடங்கள் அண்ணா பல்கலைக் கழகத்தின் பொது கலந்தாய்வு மூலம் ஒற்றைச்சாளர முறையில் நிரப்பப்படுகின்றன. இந்த ஆண்டு பொறியியல் படிப்புக்கு ஒரு லட்சத்து 34 ஆயிரத்து 722 பேர் விண்ணப்பித்துள்ளதாக தெரிகிறது.

பொறியியல் படிப்புகளுக்கான பொது கலந்தாய்வு வருகிற 27-ம் தேதி தொடங்கவுள்ள நிலையில், ரெண்டாம் எண் நேற்று முன்தினம் வெளியிடப்பட்டது.

இந்நிலையில், பொறியியல் படிப்புகளுக்கான தரவரிசைப் பட்டியலை உயர் கல்வித்துறை அமைச்சர் அன்பழகன் வெளியிட்டார். அதில், 7 பேர் 200-க்கு 200 கட்-ஆஃப் மதிப்பெண்கள் எடுத்துள்ளனர். அபூர்வதர்ஷினி என்ற மாணவி தரவரிசை பட்டியலில் முதலிடம் பிடித்துள்ளார்.

இதைத்தொடர்ந்து சிறப்புப் பிரிவினருக்கான கலந்தாய்வு நடத்தப்படும். வருகிற 24-ம் தேதி விளையாட்டுப் பிரிவினருக்கும், மறுநாள் 25-ம் தேதியன்று மாற்றுத் திறனாளிகளுக்கும் கலந்தாய்வு நடக்கிறது.

பொதுப் பிரிவினருக்கான கலந்தாய்வு வருகிற 27-ம் தேதி தொடங்கி, ஒரு மாதம் நடக்கிறது. தினமும் சுமார் 5 ஆயிரம் பேர் கலந்தாய்வுக்கு அழைக்கப்படுவர். கலந்தாய்வுக்கான அழைப்புக் கடிதத்தை அண்ணா பல்கலைக்கழக இணையதளத் தில் இருந்து மாணவர்கள் பதிவிறக்கம் செய்து கொள்ள வேண்டும் என்று ஏற்கெனவே அறிவிக்கப்பட்டுள்ளது.