மே மாத இறுதியில் சிபிஎஸ்இ ப்ளஸ் 2 தேர்வு முடிவுகள்?

டெல்லி: சிபிஎஸ்இ ப்ளஸ் 2 தேர்வு முடிவுகள் வருகிற 24-ம் தேதியன்று வெளியாகலாம் என அதிகாரப்பூர்வமற்ற தகவல்கள் வெளியாகியுள்ளது.

தமிழகம் மற்றும் புதுச்சேரியில் கடந்த மார்ச் மாதம் ப்ளஸ் 2 தேர்வுகள் நடைபெற்றன. அதன் முடிவுகள் நேற்று காலை வெளியிடப்பட்டன. ஆனால், கடந்த மார்ச் மாதம் தொடங்கி நடைபெற்று முடிந்த மத்திய இடைநிலைக் கல்வி வாரியமான சிபிஎஸ்இ ப்ளஸ் 2 தேர்வு முடிவுகள் இதுவரை வெளியாகவில்லை.

இந்நிலையில், சிபிஎஸ்இ ப்ளஸ் 2 தேர்வு முடிவுகள் வருகிற 24-ம் தேதியன்றும், அதேபோல், சிபிஎஸ்இ 10-ம் வகுப்பு தேர்வு முடிவுகள் வருகிற 30-ம் தேதியும் வெளியாகலாம் என அதிகாரப்பூர்வமற்ற தகவல்கள் வெளியாகியுள்ளது. ஆனால், தேர்வு முடிவுகள் குறித்த தேதியை மத்திய இடைநிலைக் கல்வி வாரியம் அதிகாரப்பூர்வமாக அறிவிக்கவில்லை என்பது கவனிக்கத்தக்கது.

இதனிடையே, தேர்வு முடிவு வராவிட்டாலும், கல்லுாரிகளில் மாணவர் சேர்க்கைக்கு விண்ணப்பிக்கலாம். மதிப்பெண் வந்த பின், அதனடிப்படையில், பாடப்பிரிவுகளை முடிவு செய்யலாம் என கல்லூரிகள் தரப்பில் கூறப்பட்டுள்ளது என்பது குறிப்பிடத்தக்கது.
CBSE 12th result released on May 24? and 10th result on May 30th?