ஆப்நகரம்

பொதுத்தேர்வுகள் வருவதால் ஆசிரியர்கள் விடுமுறை எடுக்க வேண்டாம்! மாநகராட்சி அட்வைஸ்!!

TN Public Exam 2020: அடுத்த மாதம் பொதுத்தேர்வு நடைபெறவுள்ளதால் ஆசிரியர்கள் விடுப்பு எடுக்க வேண்டாம் என்று அறிவுறுத்தப்பட்டுள்ளது.

Samayam Tamil 6 Feb 2020, 1:44 pm
தமிழகத்தில் பொதுத்தேர்வுகள் வருவதால், மார்ச் மாதம் வரையில் ஆசிரியர்கள் யாரும் விடுமுறை எடுக்க வேண்டாம் என்று மாநகராட்சி சார்பில் அறிவுறுத்தப்பட்டுள்ளது.
Samayam Tamil TN Public Exam 2020


தமிழகத்தில் 10,11,12 ஆம் வகுப்புகளுக்கான ஆண்டு பொதுத்தேர்வு வரும் மார்ச் மாதம் நடைபெறுகிறது. மார்ச் 2 ஆம் தேதி 12 ஆம் வகுப்புக்கும், மார்ச் 27 ஆம் தேதி 10 ஆம் வகுப்புக்கும் பொதுத்தேர்வு தொடங்குகிறது. இதற்காக மாணாக்கர்களை எப்படி தயார்படுத்த வேண்டும், தேர்வு வழிமுறை பற்றி அந்தந்த மாவட்ட அளவில் ஆசிரியர்கள் கூட்டம் நடைபெற்று வருகிறது.

அந்தவகையில், சென்னை மாநகராட்சி அளவில் உயர்நிலை, மேல்நிலை பள்ளி ஆசிரியர்களுக்கான ஆலோசனைக் கூட்டம் நடைபெற்றது. அப்போது, பொதுத்தேர்வு வருவதால், ஆசிரியர்கள் முடிந்த வரையில், விடுமுறை எடுப்பதை தடுக்க வேண்டும் என்று மாநகராட்சி நிர்வாகம் சார்பில் அறிவுறுத்தப்பட்டுள்ளது. மேலும், இந்த ஆண்டு பொதுத்தேர்வில் 100 சதவீத தேர்ச்சி கொண்டு வரும் அளவுக்கு ஆசிரியர்கள் உழைக்க வேண்டும் என்றும் அறிவுறுத்தப்பட்டுள்ளது.

சென்னையைப் பொறுத்தவரையில் 38 மாநகராட்சிப் பள்ளிகள், 32 மேல்நிலைப் பள்ளிகள் இயங்கி வருகிறது. மாநகராட்சிப் பள்ளிகளில் 6,084 மாணாக்கர்கள் 10 ஆம் வகுப்பு பொதுத்தேர்வு எழுத உள்ளனர். இதே போல், மேல்நிலைப் பள்ளிகளில் 4,807 மாணாக்கர்கள் பிளஸ் டூ தேர்வு எழுதுகின்றனர்.

அடுத்த செய்தி