​ சி.எஸ்.ஐ.ஆர்., நெட் தேர்வு அறிவிப்பு

டெல்லி: இந்திய விஞ்ஞான – தொழிற்சாலைகள் ஆராய்ச்சி கவுன்சில் (CSIR) நிறுவனம் இளம் ஆராய்ச்சியாளர் (JRF.) மற்றும் லெச்சரஸ்ஷிப் 2016–ம் ஆண்டு பணிகளுக்கான நெட் தேர்வுக்கான அறிவிப்பை சி.எஸ்.ஐ.ஆர். நிறுவனம் வெளியிட்டுள்ளது.

சி.எஸ்.ஐ.ஆர்., நெட் தேர்வானது 18.06.16 அன்று நடைபெறும் என அறிவிக்கபட்டுள்ளது.

எம்.எஸ்சி. மற்றும் அதற்கு இணையான படிப்புகள் படித்தவர்களும் , மருத்துவ படிப்புகளான பி.எஸ். எம்.எஸ், எம்.பி.பி.எஸ்., பி.பார்மா படித்தவர்களும், பொறியியல் துறையில் பி.இ, பி.டெக் படிப்புகளை முடித்தவரும், இந்த படிப்புகளில் குறைந்தபட்சம் 55 சதவீதம் மதிப்பெண்கள் பெற்றவர்களும் இந்த தேர்வை எழுதலாம்.
இந்த தேர்வை எழுத , பொதுப்பிரிவினருக்கு ரூ.1000, ஓபிசி பிரிவினருக்கு ரூ.500, எஸ்.சி., எஸ்.டி. பிரிவினர் மற்றும் மாற்றுத்திறனாளிகள் ரூ.250-ஐ விண்ணப்பக் கட்டணமாக செலுத்த வேண்டும்.

தேர்வுக்கு விண்ணப்பிக்க விருப்பமுள்ளவர்கள் www.csirhrdgdg.res.in என்ற முகவரியில் ஆன்லைன் மூலமாக 09.09.2016-ஆம் தேதிக்குள் விண்ணப்பிக்க வேண்டும். ஆன்லைனில் விண்ணப்பித்த பிறகு அதனை பிரிண்ட் அவுட் எடுத்து 16.09.2016 தேதிக்குள் சிஎஸ்ஐஆர் -ரிடம் சென்று சேருமாறு அனுப்பி வைக்க வேண்டும்.

மேலும் முழுமையான விவரங்கள் அறிய http://csirhrdg.res.in/net_main_notification_dec2016.pdf என்ற இணைய முகவரியில் அதிகார பூர்வ அறிக்கையை பார்க்கவும்.